Diyarname

1'emîn Rojên Muzîkê ya MA'yê bi newayên orkestraya zarokan dest pê kir. Çalakî heta 15'ê mehê dê bidome.

Ma Muzîk Center ku li Amedê xebatên xwe yên muzîkê didomîne "1'emîn Rojên Muzîkê ya MA" da dest pê kirin. Çalakî li Salona Dawetê ya Şatoyê ya li Amedê bi newayên orkestraya zarokan dest pê kir. Zarokan bi gotina "Em şer naxwazin" dest bi konsera xwe kir. 

Piştî konserê perwerdekar û berpirsê Ma Muzîk Centerê Şêrko Kanîwar axivî û got ku li hemberî hemû qedexe û astengiyan ew stranên bi kurdî distrên û xwedî li huner û çanda xwe derdikevin, xwedî li zimanê xwe derdikevin.

Her wiha Kanîwar got ku ewê gund bi gund, kuçe bi kuçe, tax bi tax bigerin û stranên xwe pêşkêş bikin.

Bernameya Rojên Muzîkê ya MA'yê bi vî rengî ye:

- 11 Tîrmeh, 

Dîwana Muzîkê/Pêşkêşiya xwendekarên qursa piyanoyê

Cih: Ma Muzîk Center 

Saet: 19.00

- 12 Tîrmeh

Dîwana Muzîkê/Pêşkêşiya xwendekarên santur, keman û kemençeyê 

Cih: Ma Muzîk Center

Saet: 19.00

- 13 Tîrmeh

Dîwana Muzîkê/ Pêşkêşiya xwendekarên gîtar, tembûr û perkusyonê

Cih: Ma Muzîk Center 

Saet: 19.00

- 15 Tîrmeh

Konser/Def û orkestra

Cih: Salona Dawetê ya Şatopark 

Saet: 14.00

(Foto: Dîhaber)