Diyarname

Mebûsê Yeşîl Sol Partî ê Stenbolê Cengiz Çiçek li ser dersa hibijêrkî* ya kurdî pêşniyarnameyeke da meclisê. Çiçek bal kişand ser dersê ku dixwazin bi awayekî fiîlî wê betal bikin û xwest di vi warî de lêkolîn bê kirin.

Mebûsê Yeşîl Sol Partî Çiçek di pêşniyarnameya ku daye meclisê de got ku dersa hilbijêrkî ya kurdî ku di çarçoveya Ziman û Zaravayên Dijîn de li dibistanan tê dayîn bi awayeki fiîlî ji holê tê rakirin. Çiçek gotiye ku li ser kurdî bi gelek awayan û bi rêzabeke sîstemanîk zordarî heye û dikin ku dersa hilbijêrkî jî ji holê rakin.

'BILA LÊKOLÎN BÊ KIRIN'

Çîçek diyar kiriye ku Tirkiyeyê "Peymana Mafên Zarokan" di sala 1995'an de îmze kiriye lê xalên 17, 29 û 30'yî yên vê peymanê îmze nekirine, veto danîne ser ku ev yek helwesta perwerdehiya bi zimanê zikmakî ya Tirkiyeyê nîşan dide. Çîçek ligel vê yekê ji diyar kiriye ku hefteyê du saet dersa kurdî ya hilbjêrkî di polên 5, 5, 7 û 8'an de heye lê ev yek jî niha tê xwestin ku bi awayekî fiîlî ji holê bê rakirin.

Çiçek li gor xala 98'an a Zagona Bingehîn, xalên 104 û 105'ên ên Meclisa Tirkiyeyê xwestiye Meclis di vî warî de lêkolînê bide dest pê kirin.

'KURD DEST JI DAXWAZA PERWERDEHIYÊ BERNADIN'

Li aliyê din Çîçek xwestiye ku Tirkiye xalên li ser perwerdehiya bi zimanê zikmakî yên navneteweyî jî qebûl bike û wisa gotiye, "Wekî hemû gelan, ji bo kurdan jî mafê perwerdehiya bi zimanê zikmakî daxwazeke ku dest jê bernadin e. Dersên bi kurdî yên hilbijêrkî di vê çarçoveyê de mafeke ku hatiye bi dest xistin e, lê kirinên li holê nîşan didin ku ev yek ji daxwazê gelek dûr e. Û niha ev dersa hilbijêrkî jî dikin ku têk bibin."

***

*Nîqaşeke li ser navê dersên "Hilbijêrkî" hatibû kirin. Du nivîs ji wê demê:

- Pirsgirêka Binavkirina “Dersên Hilbijêrkî”

- Dersa Kurdî ya Hilbijartî: Hinek Arguman û Dij-Arguman