Diyarname

76'emîn Festîvala Fîlman a Cannesê bi merasimê dest pê kir. Di şeva destpêkirina festîvalê de Xelata Rûmetê dan Michael Douglas.

Festîvala Fîlman a Cannesê îşe dest pê kir. Pêşî derhêner û lîstikvan li ser xaliya sor re meşiyan, foto pêşkêş kirin û paşê derbasî salonê bûn. Di şevê de pêşî xelata rûmetê dan Douglas. Douglas xelata xwe ji destê du lîstikvanên navdar Catherine Deneuve û Uma Thurman girt. Piştî vê fîlmê destpêkê hat nîşandayîn. Fîlmê derhêner Maiwenn ê bi navê "Jeanne du Barry" wekî fîlmê destpêkê yê festîvalê hat nîşandayîn.

Lîstikvanê navdar Johnny Depp serlîstikvaniya vî fîlmî dike. Derhêner Maiwenn bi xwe jî rol girtiye ser milên xwe ku rola Jeanne du Barry ew dilîze. Melvil Poupaud, Pierre Richard, Pasga l Gregory, Noemie Lvovsky hin lîstikvanên din in ku têde dilîzin.

Îsal 19 fîlm di beşa pêşbaziya mezin de ne ku ketine dû Palmiyeya Zêrîn. Di nav wan de fîlmê Nuri Bilge Ceylan jî heye. Serokê Juriya Pêşbaziya Mezin derhênerê ji Swêdê Ruben Ostlund e.

Fîlmên ku ketine Pêşbaziya Mezin ev in:

- “Club Zero,” Jessica Hausner

- “Asteroid City,” Wes Anderson

- “The Zone of Interest,” Jonathan Glazer

- “Fallen Leaves,” Aki Kaurismaki

- “Les Filles D’Olfa” (“Four Daughters”), Kaouther Ben Hania

- “Anatomie D’une Chute,” Justine Triet

- “Monster,” Kore-eda Hirokazu

- “Il Sol Dell’Avvenire,” Nanni Moretti

- “La Chimera,” Alice Rohrwacher

- “About Dry Grasses,” Nuri Bilge Ceylan

- “L’Ete Dernier,” Catherine Breillat

- “The Passion of Dodin Bouffant,” Tran Anh Hung

- “Rapito,” Marco Bellocchio

- “May December,” Todd Haynes

- “Firebrand,” Karim Ainouz

- “The Old Oak,” Ken Loach

- “Perfect Days,” Wim Wenders

- “Banel Et Adama,” Ramata-Toulaye Sy

- “Jeunesse,”Wang Bing

Festîval heta 27'ê mehê li dar e.

Xelata Rûmetê ya Festîvalê dan lîstikvan Michael Dougles. 

Juriya Festîvalê di bin serokatiya derhêner Ruben Ostlund dê fîlman binirxîne û serketiyan diyar bike.  

 
Fîlmê derhêner Maiwenn ê bi navê "Jeanne du Barry" hat nîşandayîn.

***

Nûçeyên Elelqedar:

- Ji ber festîvalê çalakiyên li bajêr hatin qedexekirin 

- Posterê fermî yê Cannesê hat belavkirin 

- Lîsteya Cannesê eşkere bû, NBC jî têde ye

- Serokê Juriya Cannesê hat eşkere kirin