Diyarname
Şaredarê Îdirê Mehmet Nuri Guneş û 7 BDP'yî ku hatibûn binçavkirin hatin tewqîfkirin. Mebûsa Îdirê ya BDP'ê Pervin Buldan reaksiyoneke tûj nîşan da û got: "Ji bo şaredariyê ji destê kurdan bigirin plana ku hatibû amadekirin xistin jiyanê. Ev biryar siyasî ye, em vê biryarê napejirînin."

Şaredarê Îdirê Mehmet Nuri Guney û 11 BDP'yi 21'ê mehê hatibûn binçavkirin. Jendirmeyan di dema binçavkirinê de gef li şaredar xwaribû û destên wî kelebçe kiribûn. Ev kesên hatin binçavkirin duh ber êvarkî derxistin dadgehên û 4 jê serbest hatin berdan yên din hatin tewqîfkirin.

Kesên hatin tewqîfkiri: Şaredar M. Nuri Gune, Serokê BDP'a Îdirê Şebbap Çelik, şaredarê berê yê Xoşxeberê Nusret Aras, Mehmet Guven, Aziz Çam, Mehmet Haşimoglu, Mecit Baştaş û Abdulbahri Tendik.

Di hilbijartina 29'ê adara 2009'an de dema DTP'ê li Îdirê bi ser ketibû û şaredarî bi dest xistinû Cîgirê Serokwezîrê Tirkiyeyê Cemil Çiçek gotibû, "Ew gihîştin sînorê Ermenistanê" û ev yek bûbû sedema nîqaşan. Li Îdirê yekem car bû ku DTP şaredariyê bi dest dixe. Lê li gorî mebûsa BDP'ê Pervir Buldan niha dixwazin şaredarî ji destê kurdan bigirin.