DiyarnameNivîskar Azad Zal vê carê bi pirtûkek helbestan derket pêşberî xwendevanan. Pirtûka Zal bi navê "Rêwî" ji Weşanên Ava derket.
Pirtûk ji helbestên wekî;
“Çîroka rêwî
Rêwî û hêvî
Zerî
Rêwî û mirin
Rêwî û kevok
Destana rêwî
Rêwiyê li dû hêviyan” pêk tê.
Nivîskar Azal Zal di Fûara Pirtûkan a Stenbolê TUYAP'ê de, di standa Weşanên Ava de wê pirtûkên xwe îmze bike. Zal di navbera rojên di 3 û 4’ê meha Sermawezê de wê li TUYAP'ê be û pirtûkên xwe îmze bike.
Azad Zal kî ye?
Nivîskar Azad Zal di adara 1972’yan de li Gundê Gulamîran ku bi navçeya Sûrê ya Amedê ve girêdayî ye hatiye dinê. Wî li ber destê bavê xwe perwerdehiya sereke ya bi kurdî û erebî dîtiye. Şûn de li gund dibistana sereta ya tirkî xwendiye. Dibistana navîn û lîseyê li Amedê xwendiye û bi kutakirina lîseyê re di berfanbara 1992’yan de ji ber sedemên polîtîk hatiye girtin. Zal piştî 12 salên girtîgehê di 2004'an de hatiye berdan. Zal ku piştî berdanê di Azadiya Welat de dest bi kar kir, paşê di Enstîtuya Kurdî ya Amedê de xebitî û piştî hejmara 13'an a kovara W'yê dest bi edîtoriya kovarê kir. Zal ku endamê Komeleya Nivîskarên Kurd e niha di Şaredariya Bajarê Mezin a Amedê de dixebite.
Pirtûkên wî:
- Teşî (Helbest) – Weşanên AVA – 2009
- Zimanê Kurdî (Lêkolîn) – Weşanên Enstîtuya Kurdî ya Amedê – 2009
- Sûzê û Hirç (Berhevkirin, çîroka gelêrî ya zarokan) – Weşanên Şaredariya Kayapinarê – 2009
- Rêwî (Helbest) – Weşanên Ava – 2010
Rêwî / Azad Zal / Weşanên AVA / Helbest
Ji bo eleqedaran cihê Weşanên Ava ya di TUYAP'ê de:
Salona 2’mîn No: 314 B
.jpg)
.jpg)
