Li Fransayê banga betalkirina zagona malnişînî, li Koreyê ceribandinên fuzeyê, li Almanyayê meseleya tangên şandine Ûkraynayê. Va ne ji dinyayê 3 nûçeyên derketine pêş...
FRANSA

Li Fransayê 300 hunermend li ser reforma zagona malnişînbûnê bang li hikumetê kir ku dest ji zagonê berde.

Li Fransayê temenê malnişîniyê 62 ye. Hikumet dixwaze vê derxe 64'an. Li ser vê yekê dor 300 hunermendê bi ser rojnameya Liberationê re nameyeke belav kirin û bang li Serokomarê Fransayê Emmanuel Macron kirin ku dest ji vê zagonê berde û zagona heyî neguherîne.

Lîstikvênên sînemayê Juliette Binoche, Noêmie Merlant Camille Cottin, Laure Calamy, Alice Diop, derhêner Saint Omer, Michel Hazanavicius hin ji hunermendên ku îmze avêtine nameya hevpar.

Ji bilî vê li gelek bajarên Fransayê çalakiyên protestoyî jî li dar ketin.

KOREYA BAKUR

Goreya Başûr û Japonyayê ragihand ku Koreya Bakur li aliyê Behra Japon (Behra Rojhilat) de du fuzeyên balîstîk avêtine.

Serfermandarê Giştî yê Koreya Başûr gotiye ku li aliyê herêma North Hwanghae li gor saeta herêmî saet 07.47 û 08.00'an de ev ceribandin hatiye kirin.

Wezareta Parastinê ya Japonyayê jî gotiye ku fuzeyên balîstikî yên bi mêweya kurt li hewayê 370 kîlometre çûne û paşê li herêmeke taybet a Japonyayê ketiye.

DYA û Koreya Başûr niha ligel hev tatbîkatek ku heta 3'yê avrêlê dê bidome saz dikin. Ev ceribandin jî balkêş e di vê demê de hatiye kirin.

TANGÊN ALMAN

Şerê di navbera Rusya û Ûkraynayê de didome. Hat îDîakirin ku Almanyayê tangên Leopart 2 teslîmê Ûkraynayê kirine. Ev tangen alman wekî amûrên herî serketî yên nav şer têne nirxandin. Kovara Spielberg a alman got ku ji van tangan 21 heb dawiya hefteyê ji Almanyayê ketin rê. Reutersê jî gotiye ku 18 tang almanan, 3 jê Portekîzê şandine.