Diyarname

Amed Spor bi taybetî dema li Amedê yan li Stenbolê dilîze ji bajarên din zêdetir bi hezaran kes diçin temaşekirinê. Li mala xwe hincet neyên dîtin jî di maçên deplasmanê de rê li ber temaşevanan tê girtin. Niha maçek din li Stenbole dê bê lîstin û carek din qedexe ji bo temaşevanên Amed Sporê anîn.

Vê hefteyê di Lîga 2'yemîn de maçên hefteya 21'ê têne lîstin. Amed Spor jî li Stenbolê dibe mêvanê Arnavutkoy Belediye Sporê. Maç 22'yê mehê saet 14.00'an de li Stada Boluca ya Arnavutkoyê tê lîstin lê ji bo temaşevanên Amed Sporê biryara qedexeyê girtin. 

Lijneya Ewlekariya Sporê ya Navçeya Arnavutkoyê biryara qedexeyê da. Lijneya Rêveberiya Amed Sporê daxuyaniyeke nivîskî belav kir û got ku ligel tu pirsgirêk nîn e jî biryara qedexeyê dane ku ev yek ne li gor rihê dostanî, aştî û biratiyê ya sporê ye.

Rêveberî gotiye ku ji bo li ser rêya şampiyoniyê tu provakasyon çênebin, em bang li temaşevanên xwe dikin ku vê maçê li ber ekranên xwe temaşe bikin.