Omer Faruk Baran

Sîyasetmedar û nivîskar Canip Yildirim di xatirayên xwe de qedrekî giran dide Musa Anter.

Canip Yildirim dibêje Musa Anter "Ji xwe pir razî bû û guh nedida şor û şîretên kesî", û dibêje "min jê hez dikir, hurmeta min jê re hebû, bes car caran jî min henekên xwe, tehn û tinazên xwe pê dikirin." 

Piştî di 12"ê Adara sala 1971'ê de li Tirkiyê derbe çêdibe, Canip Yildirim bi behrek rêber û rewşenbîrên kurdan re dikeve hepsê. 

Di xatirayên xwe de, Canip Yildirim dibêje "Rokê hevalekî got ‘Yaw Canip Abê morala me kesî tune, ka hele hinekî hêrsa Musa Abê rake, em ji xwe re bikenin." 

"Tam wê gavê" dibêje Canip Abê, "ji radyoya transîstorî dengê Zeki Muren dihat, 'Guller Arasinda' digot. "Güller Arasında" yanî "Di nav gulan de." 

Canip Abê dibêje "Min navê hevalên hepsê hildan û got, Naci Muren, Taruk Müren, Mehdi Muren û Musa Muren..."

"Li ser vê gotinê" dibêje Canip Abê, "Musa Abê çerx bû li min nihêrî û şor û çêrên pîs gotin û dûre jî herkes bi hev re keniya."

Kolaj-Foto: 1. Zeki Muren 2. Rêber û rewşenbîrên kurdan li hepsê, salên 1960'î.

Jêder:

Miroglu, Orhan: Canip Yildirim'la Soyleşi - Hevsel Bahçesinde Bir Dut Agaci, îletişim Yayinlari, 2005.

omerfarukbaran@hotmail.com 

**

Nivîsên din ên Omer Faruk Baran ên ku di Diyarnameyê de hatine weşandin:

- Mîzahşorekî Salên 1990'î: Mahmûd Lewendî 

- Li dû 'ABBAS'... 

- Rûken Be Sezen Aksu û Gulumse Kemal Burkay 

- Silêmanî, Dengekî Dawidî, Stranên Edip Karahan 

-  Manaya Bilibendê û Çend Sirên Kurdish Mashup 2019

- Bila kes netirse, Xwedê jî gotiye ''Min Dît''! 

- Meşa Siya Şevê