Diyarname
Di nav sînemaya Terkiyeyê derhêner Erden Kiral xwedî cihek taybet bû. Kral roja 17'ê mehê canê xwe ji dest da.
Derhêner Erden Kiral di sala 1942'yan de li Golcuka Kocaeliya Tirkiyeyê hatiye dinê. Kral ji beşa Akademiya Hunerên Bedew a Stenbolê Beşa Seramîkê mezûn bûye. Paşê di kovar3en wekî Gerçek Sînema, Çagdaş Sînema, Guney de nivîsên li ser sînemayê nivîsiye û edîtorî jî kiriye.
Ew yek ji sala 1984'an ve en yek ji avakarên beşa sînemayê ya vê saziyê ye. Di sala 2005'an de fîlmê wî "Yolda" ji bo Sînematîga Zanîngeha Harwardê hat qebûlkirin.
Wî ji Îzmît Rotary Klubu Aviva, Festîvala Fîlman a Edeneyê, Festîvala Fîlman a Navneteweyî ya Stenbolê û ji Zanîngeha Beykentê xelatên "Serketina Di Hemû Jiyanê De" û "Xelata Rûmetê" girtin.
Wî ji Festîvala Fîlman a Porteqala Zêrîn a Antalyayê bi çend fîlman Xelata Derhênerê Herî Serketî girt. Dîsa ji Komeleya Nivîskar3en Sînemayê jî heman xelat girt.
Di nav fîlmên wî yên herî zêde têne zanîn e "Kanal" (1978), "Bereketlî Topraklar" (1981), "Hakkari'de Bir Mevsim" (1982), "Av Zamani" (1988) "Mavi Surgun" (1994) hene. Wî herî dawî di sala 2014'an de fîlmê bi navê "Gece" kişandibû.
Derhêner Kiral ji ber xwîngirtina mejiyê li Kumlucaya Antalyayê dihat dermankirin lê roja 17'ê tîrmehê canê xwe ji dest da. Cenazeyê wî anîn Stenbolê û dê li wir defin bikin.
'DEMSALEK LI CULEMÊRGÊ'
Ji fîlmên wî "Hakkari'de Bir Mevsim" (Demsalek li Culemêrgê) li Culemêrgê kişandibû û ji ser çîroka mamosteyekî de rewşa giran a wê demê anî bû pêş temaşevanan. Fîlmê ku senaryoya wê ji çîroka Ferît Edgu hatibû girtin, Ferit Edgu û Onat Kutlar nivîsandibû. Di fîlm de Genco Erkal, Rana Cabbar, Erol Demiroz, Berrin Koper, Şerif Sezer, Macit Koper û Erkan Yucel lîstibûn. Derhêner Kral bi vî fîlmî li Festîvala Fîlman a Berlînê Xelata Hirça Zîvîn û li hin festîvalên din ên navneteweyî jî xelat girtibûn.
(Ev foto ji aliyê DHA'yê ve hatiye belavkirin)
***
Nûçeyên Eleqedar:
- Pirtûkên Ferîd Egdu bi 2 wergerên cuda derketin
- ‘Bahol’, ‘Dengê Doyê’ û ‘Marksîzm û Pirsgirên Zimanzaniyê’