Diyarname

Li Zanîngeha Eren a li Bedlîsê di çarçoveya "Şahiya Biharê" de divê koma muzêkê Stêrka Kawa bi kurdî konsera xwe pêşkêş bikira lê bernameya wan hat betalkirin.

Piştî betalkirina konsera Aynur Dogan, Metîn-Kemal Kahraman û betalkirina lîstika Şanoya Bajêr a Amedê vê carê biryara betalkirin/qedexekirina konserê ji Bedlîsê hat. Koma Stêrka Kawa dê li zanîngehê konser bida lê bêyî sedemeke bînin ziman konsera wan betal kirin.

Li ser vê yekê Platforma Şaxên Bedlîsê ya KESK'ê daxuyaniyeke nivîskî belav kirin bertek nîşanî biryara betalkirina vê konserê dan. Di daxuyaniy^ede hat gotin ku ew vê helwesta ku nahêle koma muzîkê ligel ciwanan bê cem hev şermezar dikin. Di dawuyaniyê de wasa hat gotin, "Yên êrîşê çanda me, zimanê yê qedîm ku bi hezaran salan e dijî dikin de di nav dîrokê de mehkûm bibin. Em piştgiriya Stêrka Kawa dikin. Li hemberî hemû qedexe û astengiyan em bang li muzîkhezan dikin ku guh bidin stranan û di hemû platforman de belav bikin û piştgirî bidin wan. Li hemberî feraseta tekparêz û nijadperes bijî kurdî! Bijî muzîka kurdî!"

***

Di du rojan de çend çalakiyên hunerî yên hatine qedexekirin:

- Lîstika bi kurdî “Don Kîxot” jî hat qedexekirin 

- Nawey konserê Kahramanan hame qedexekerdişî 

- Şaredarê AKP'yî konsera hunermend Aynur Dogan betal kir