Diyarname

Hunermend Aynur Dogan ku dest bi konseran kiribû û vê 20'ê mehê divê li Derinceya Kocelî konsera xwe pêşkêş bikira lê şaredariya Derince ku di destê AKP'ê de ye destûr neda konserê.

Aynur Dogan dest bi rêzekonserên xwe kiriye. Di nav konserên vê mehê dê li dar bikevin de Îzmîr, Kocaelî, Enqere, Antalya, Stenbol, Edene û Bursa hene lê niha xebera qedexeyê hat.

Konsera 20'ê mehê dê li Derinceya Kocaeliyê ba lê şaredarî ew betal kir. Konser dê li Salona Şaredariya Derince ba, lê Şaredariya Derinceyê ku di destê AKP'ê de ye konser betal kir.

Şaredariya Derînce bi ser hesabê xwe yê tora civakî re daxuyanî belav kir û wisa got, "Li nav sînorên navçeya me dê kompaniyeke taybet konser li dar bii-ista, li ser lêkolînên me yên berfireh me diyar kiriye ku konser ne guncan e û şaredariya me ev yek betal kiriye."

Şaredarî diyar nekiriye çima ne guncan û konser betal kiriye.

Li ser vê yekê heta niha Aynur Dogan an jî kompaniya ku ev konser organîze dikir tu agahî nehatiye belavkirin.