Diyarname
Erê Bakur li ser piyan bû, Newroza Amedê gula ber dilan bû lê li parçeyên din jî Newrozên xweş, serketî hebûn. Va ne hin not:
ROJAVA
Li Rojava li gelek bajaran Newroz bi coş hat pîrozkirin. Li Xamişlo bi hezaran kes li Meydana Hîmo hatin ba hev. Li gundê Elawşê ya girêdayî Şehbaya Efrînê agirê Newrozê hat pêxistin. Hevseroka MSD’ê Îlham Ehmed li vir beşdarî pîrozbahiyê bû û axivî. Ehmed Newroza her kesî pîroz kir û got, “Îsal dê bibe sala nasîna hebûna kurdan. Divê em dengê xwe bilind bikin û daxwazhen xwe zêdetir bikin. Gere em xwe nîşanî dinyayê bidin. Em parçe nebin. Bi rûmet û azad jiyîn mafê me ye.”
Her wiha li Hesekê, Tirbespiyê Girke Lecê, Dêrikê, Amûdê Newroz hat pîrozkirin.
BAŞÛR
Li Başûr wekî her sal êvarê gelek kes li Akreyê bûn. Şahiya li Akreyê ku li nav kurdan navdar e îsal careke din li dar ket.
Li Hewlêrê jî li Parka Şanedar merasimek hat sazkirin. Serokê Herêma Kurdistanê yê berê û Rêberê PDK’ê Mesûd Barzanî ligel çend zarokên şehîdan agirê Newrozê pêxist û şahiya Newrozê li dar ket.
Li aliyê din li Duhokê li Parka Newrozê, li Kerkûkê li Kela Bajêr şahiya Newrozê l idra ket. Li Silêmanî jî li quntara Çiyayê Gwêjê gel Newroza xwe pîzo kir.
ROJHILAT
Li Rojhilat îsal ji salên din zêdetir rastî zehmetiyan hatin. Her çiqas bi awayekî fermî Newroz ne qedexe be jî rejima Îranê rê li ber kurdan girt ku şahiyên gelek mezin çêbikin. Dhisa jî cih bi cih Newroz hat pîrozkirin.
Li bajarê Serdeştê nehiştin merasima Newrozê bê lidarxistin. Îranê îsal biryar ragihand ku di hemû şahiyan de divê ala Îranê bê daliqandin û sirûda Îranê bê xwendin.
AMERÎKA-EWROPA
Li Nashvilleya Amerîkayê ku gelek kurd lê dijîn û ji wir re dibêjin “Kurdistana Biçûk” jî şahiya Newrozê hebû. Gelek kurdên wir bi cil û bergên kudî merasim li dar xistin û Newroz pîroz kirin.
Li gelek welatên Ewropayê jî şahiên cur bi cur ji bo Newrozê hatin pîrozkirin.
(Foto ji şahiya li Keleha Kerkûkê. Ji Rûdawê hatiye girtin)
***
Nûçeyên Eleqedar:
- 6 hunermend hatin berdan kesek tewqîf kirin
- Chomsky: Kurdan nîşanî me da ne tenê xeyalkirin, dikarin bi ser bikevin jî
- Ji gelek bajaran notên li ser Newroza wan deran
- Va ye bernameya 7 cihan a Newrozê
- Li Amedê starta Newrozê: Dema dema azadî û yekîtiyê ye
- Bajar bi bajar bernameya Newrozê