Diyarname

Neteweyên Yekbûyî (NY) li ser hejmara jinên ku hatine kuştin daxuyanî belav kir. Li gor vê îstatîstîkê di par ji 81 hezar jinên ku hatine kuştin 47 hezarê wan ji aliyê mêr an xizmên wan ve hatine kuştin.

25'ê vê mehê "Roja Têkoşîna Dijî Şîdeta li Ser Jinan a Navneteweyî" bû. Vê rojê Neteweyên Yekbûyî daxuyaniyeke belav kir.

Seroka Rêxistina Têkoşîna Dijî Tilyak û Sûcan a Neteweyên Yekbûyî (UNODC) Ghada Waly daxuyanî belav kir. Li gor daxuyaniyê li dinyayê di bûyerên şîdetê de yên tên kuştin sedî 80'ê jê mêr in lê di şîdeta di nav têkiliya jin û mêran, an jî di encama şîdeta li malê de yên ku têne kuştin sedî 60 jin in.

UNODC ev îstatîstîk amade kirine û îstatîstîk li ser daneyên ku ji 95 welatan hatine girtin hatine amadekirin.

Va ne çend îstatîstîkên din:

- Par (2020. Ji ber encamên 2021'ê hê temam nebûne) 81 hezar jin hatine kuştin. Ji van 47 hezar jin ji aliyê mêr an jî malbata wan ve hatine kuştin.

- Herî zêde li welatên Afrîkayê jin ji aliyê mêr an malbata xwe ve hatine kuştin. Herî kêm jî li Ewropa û Asyayê.

- Li gor saziyê ji bo jin û zarokên keç cihê herî bi talûke mala wan, yanê navbera çar dîwarên li malê ye.

- Pispor dibêjin ev reqem ne reqemên teqez in.

***

Nûçeyên Eleqedar:

- 2021: Fotoyên çivîkan yên serketî hatin hilbijartin 

- 2021: Oksfordê peyva salê hilbijart 

Not: Di bin sernavê "2021" de agahiyên salê her ku derkevin holê emê belav bikin.