Diyarname
Avakarê Apple û teknolojînasê navdar Steve Job di 56 saliya xwe de mir.
Steve Jobs di 24'ê reşemiya 1955'an de wekî kurê dayikek hê nezewiciye li San Franciscoya Dewletên Yekbûyî yên Amerîkayê hat dinê. Jobs dema hê temenê wî yek hefte bû ew dan cotek ku li Mountain Viewê dijiyan. Jobs paşê li herêma ku dê biba navenda sektora teknooljiyê û dê navê 'Newala Silikon' lê bê kirin mezin bû.
Di 21 saliya xwe de tevî hevalê xwe Steve Woznaik (26 salî) li garaja malbatê Şîrketa Kompîtura Apple ava kir. Şîrketa Apple ku rêveberiya wê Jobs dikir di salên 1980'êyan de bû populer û bû endustrî. Vê demê, di sala 1985'an de Jobs ji şîrketê veqetiya û Next Kompitur ava kir û şîrketa anîmasyonê Pixar ku vê şîrketê gelek xelatên Oscarê girt, ava kir.
Di vê demê de Apple ji populerbûna xwe ya salên 80'yî dûr ket. Lê dema ku şîrketê di sala 1996'an de şîrketa Next Kompîtur kirî Jobs dîsa bû rêveberê şîrketê û ji nû ve şikil da cîhana kompîturan.
Di xebatên wekî iPod, iPone, iPad û kompîturên MAC'ê ku bi van Apple li nav teknolojiyê derket lûtkeyê îmzeya Jobs di van de hebû. Di bin pêşengiya Jobs de, di sala 2002'yan de iPod, 2003'yan de iTunes, 2007'an de iPhone û 2010'an de jî iPad derket piyaseyê.
Steve Jobs, di sala 2005'an de li Nazîngeha Stanford ya DYA'yê li ser jiyana xwe axivî:
- Piştî teşhîsa qansêrê zêdetir firsenda min çêbû ku li ser mirinê bifikirim. Tu kesek naxwaze bimire. Melekên li asîmanan jî lê di dawiyê de mirin qedereke hevpar e ku em hemû emê jê tehmijin.
- Ger kes nikare pêşî li mirinê bigire wê çaxê em dikarin wisa bibêjin: Wê çaxê afirîneriya herî mezin a jiyanê mirin e. Ji ber ku mirin nûnerê guherîna li jiyanê ye. Yê kevn ji holê radibe û cih ji bo yê nû vedike.
Jobs gotibû ku heta tenduristiya wî baş de dê rêveberê şîrketê be lê dema di vê gelawêjê de ji bo tenduristiya xwe dest ji kar ber dabû cîhana teknolojiyê xemgîn bûbû.
Jobs ji sala 2004'an ve bi qansêra parkreasê re têdikoşiya. Lê mixabin îro ew di vê têkoşînê de têk çû.