Diyarname

Karsazê kurd Hamdi Ulukaya li DYA'yê bi markeya mast Chobani navdar e lê niha ew ne bi karê xwe bi bûyerek din di rojeya DYA'yê de ye: Du tirkan jina wî ya berê Ayşe Giray ji bo fîdyeyê revandine. Li bajarê West Palm ê girêdayî FlorÎdayê du tirkên bi navê Murat Ekdi û Mustafa Gençoglanoglu bi çed û şîdet Ayşe Giray tehdîd kirin û ew revandin.

Bûyer hefteya borî çêbû û polîsan her du tirk qufaltir; dadgehê her du tewqîfkirin.

Rojnameya Palm Beach ku li DYA'yê weşanê dike li ser meseleyê nûçe weşand. Ayşe Giray a ku li Florida dixtora zarokan e ji bo rojnameyê wisa gotiye: "3 rojan min li malek veşartin. Ji bo berdana min 4 mîlyon dolar pere xwestin. Min got ew qas pereyên min nîn in, 2,5 mîlyon dolar hene, wê çaxê ligel min heta bankeyê hatin. Dema li bankeyê rûniştin min ji karkerê bankeyê alîkarî xwest û wî pêl li pişkovaya alîkariya ji polîsan kir."

Murat Ekdi û Mustafa Gençoglanoglu dema polîs dîtin reviyan lê polîsan ew qufaltin.

Hamdi Ulukaya û Ayşe Giray di sala 1999'an de ji hev veqetiyabûn û Ulukaya tazmînatek mezin dabû jina xwe. Ulukaya vê mehê li Stenbolê bi merasimek mezin ligel Louise Vongerichten zewicîbû.