Diyarname
Şanoya Şaredariya Bajarê Mezin a Amedê 3'yemîn Pêşbaziya Tesktên Şanoyê ya bi kurdî da dest pê kirin. Tekstên bibin yekemîn, duyemîn û sêyemîn dê xelata pereyan bigirin û heman tekst dê wekî pirtûk bêne çapkirin.
Şanoya Şaredariya Bajarê Mezin a Amedê Pêşbaziya Tekstên Şanoyê ya bi Kurdî îsal jî da dest pê kirin. Bi vê xebatê dixwazin nivîskariya tekstên şanoya kurdî pêş bixin, rê li ber nivîskarên nû vekin, berhemên nû ji bo wêjeya şanoya kurdî derxin pêş.
Di nav kurdan de lîstika yekemîn Ebdurehîm Rehmî Hekarî bi navê "Memê Alan" nivîsandibû û xelatên di vê pêşbaziyê de jî li ser navê wî têne dayîn.
Di pêşbaziyê de ji bo mijarê tu sînor nîn in, kesên bixwazin dikarin tekstan ji romanek, çîrokek, helbestek saz bikin, yan jî bi awayê orjînal binivîsin.
Tekstên lîstikan ku yên ji bo pêşbaziyê hatibin şandin, heta roja dawî ya serîlêdanê divê li tu cihî nehatibin weşandin an lîstin, di tu pêşbaziyê de nehatibe xelatkirin. Roja serîlêdana dawî ya pêşbaziyê jî wekî 22'yê adara 2013'yan hatiye diyarkirin.
Gerînendeyê Giştî yê Hunerê yê Şanoya Şaredariya Bajarê Mezin ê Amedê Ruknettin Gun li ser pêşbaziyê agahî dan, got ku li gor derfetan kesên beşdar dikarin di CD yan di qada dîjîtal de serîlêdanên xwe bikin, yan jî bi posteyê berhemên xwe bişînin.
Li gor gotina Gun di nav endamên juriyê de Şexmûs Sefer, Berfîn Zenderlioglu, Nazim Hikmet Çalişkan, Elvan Koçer û Heme Siwar Ezîz hene û ji bo xelatan jî wisa got: "Encamên pêşbaziyê dê Resepsiyona Festîvala Şanoyê ya Amedê de bêne eşkere kirin. Ji bo yekemîn 5 hezar TL, ji bo duyemîn 3 hezar û 500 TL û ji bo sêyemîn emê 1.500 TL pere wekî xelat bidin."
Encamên pêşbaziyê di heman demê de dê malpera Şanoya Bajêr de bêne eşkerekirin.
Ji bo kesên eleqedar nimreya telefon:
(0412) 223 49 42
***
REKLAM
Hejmara 5'emîn a "Kurt Tarihi" derket. Ji bayiyan bixwazin.
Ji bo nûçeyê fotoyê bitikînin
REKLAM
Hejmara duyem a kovara DÎWAR derket
Ji bo xwestin, abonetî û pirsên we yên din, têkilî:
Ji bo xwendina nûçeya li ser DÎWAR bergê bitikînin.