Diyarname

Duygu Asena li ser warê mafên jinan, azadî û wekheviya jinana xebat kiribû. Ew di sala 2006'an de miribû. Weşanxaneya Dogan ku pirtûkên wê çap dikir/dike ji sala 2007'an ve li ser navê wê xelatek dide nivîskareke. Doganê ragihand ku îsal bi romana xwe "Ev" (Mal) nivîskar Nermin Yildirim hêjayî xelatê dîtine.

Xelat bi ser navê "Duygu Asena - Kadinin Adi Hala Yok Roman Odulu" (Xelata Romanê ya Hê jî Navê Jinê Tune ye ya Duygu Asena) tê dayîn. Lijneya di bin serokatiya Dogan Hizlan de Asuman Kafaoglu Buke, Fîlîz Aygunduz, Îhsan Yilmaz, Sîbel Oral û Elîf Tanriyar ev biryar dan. Lİjneyê roja 26'ê gulan0ê civîna xwe çêkirin û bi yek dengî biryar dan ku xelatê bidin romana nivîskar Nermin Yildirim "Ev".

Juriyê îro biryara xwe ragihand çapemeniyê û diyar kir ku Yildirim nivîskareke ku li ser rewşa jinan dinivîse.

Nivîskar Yildirim gotihandiye ku ev yek ji aliyê manewî ve ji bo wê girîng e, heta dawiya emrê xwe dê vê manewiyetê ragine. Her wiha Yildirim ragihandiye ku ew jî wekî Gaye Boralioglu aliyê madî yê xelatê diyarî Mor Çati Vakfi dike. 
Gaye Boralioglu di sala 2019'an de ev xelat girtibû. Wê çaxê 15 hezar TL diyariya vê xelatê bû û wê ev pere diyarî Mor Çati Vakfi kiribû. Mor Çati Vakfi ji bo keçikên rastî şîdetê tên dixebite.