Diyarname
Derhênerê kurd Aram Dildar ji bo fîlmê xwe yê nû proje temam kir, lîstikvan hene lê li benda alîkariyê ye. Ji bo vê yekê kampanya daye dest pê kirin.
Derhêner Aram Dildar di sala 1990'î de li Batmanê hatiye dinê. Li Zanîngeha Marmaraya Stenbolê Beşa Radyo TV û Sînema xwendiye. Dildar, di şano û hin fîlman de lîstikvanî kiriye. Di sala 2008'an de dema di fîlmê "Press" de lîst, bi rola xwe li Festîvalên Antalya û Enqeleyê Xelata Lîstikvanê Hêviyê Dide girt ku ev yek ji bo lîstikvanekî muhîm bû. Dildar her çiqas piştî vê jî di hin fîlman de lîst lê zêdetir bala xwe da ser kişandina fîlman. Û heta niha bi navê "Binevş" (2009), "Tixûbên Nepenî" (2010), "Da" (2015) û "Hazîriyek Bo Derengmayînê" (2018) kurtefîlm kişandin. Dildar zêdetir jî bi vî kurtefîlmê xwe yê dawî wekî derhênerekî derket pêş. Ew niha dixwaze fîlmekî din bikişîne.
Dildar navê projeya fîlmê xwe yê nû daniye: "Bedewiya Berbad".
Çîroka "Bedewiya Berbad" bi vî rengî ye: "Cîyek, li dinyayê...
Malbateke ji çar kesan di nav coş û peroşekê de ne ku mobilyayên xwe yên nû bi cî dikin. Ji ber ku mala wan a kevin ya li gund êdî dêris bûye hemû mal û milkê xwe li ser vê mala nû dane. Bes, ev roj e ji bo bicîkirina malê ne rojeke xweş û geş e.
Van çend salên dawî gengeşiyên digel welatê cîran ji nişke ve geş bûye û li sînor pevçûnan dest pê kirîye. Gundê wan ji sînor tenê çend kîlometreyek dûr e. Bavê malê ji ber rabirdûya bîra xwe ya şer ditevize. Di ser de jî pereyê ji bo dûrketina ji wê heremê hemû li mala nû xerc kirine."
Derhêner Dildar ji bo piştgiriya projeyê bi ser indiegogo re peyam weşandiye û li benda kesên ji sînemayê hez dikin e. Ger projek bi ser bikeve dê lîstikvan û muzîkar Rewşan Çelîker, şanoger Yavuz Akkuzu têde bilîzin.
Lînka alîkariyê ev e:
https://www.indiegogo.com/projects/terrible-beauty#/
.jpg)
