Diyarname
Maçên Lîga 1'emîn a Tirkiyeyê dest pê kirin. Amedspor di maça yekem de li deplasmanê li hemberî Çorumsporê bi 2-0 têk çû. Vanspor li Boluyê bi 3-2 bi ser ket û bi 3 pûanan vegeriya mal.

Lîga 1'emîn a Tirkiyeyê li Tirkiyeyê duyemîn lîga mezin e. Di vê lîgê de îsal çend tîmên kurdan hene. Yek ji wan jî Amedspor e ku bi diruşma "Çûyîna Super Lîgê" dest bi lîgê kir lê di hefteya yekem de bê pûan vegeriya mal. 
Maç li Çorumê bû. Di deqîqeya 33'yan de Çorumspor bi gola Ouuz Gurbulak bi 1- 0 derket pêş. Nîveka yekem wisa bi dawî bû. Di deqîqeya 88'yan de jî Atakan Akkaynak encam bir 2-0'ê. Ji Amedsporê Daniel Moreno di deqîqeya 82'yan de bi qerta zer a diduyan qerta sor dît û ji lîstikê derket.

Li aliyê din tîma Vansporê li Boluyê ligel Bolusporê lîst û bi 3-2 bi ser ket. Ji bo golên Vansporê, di deqiqeya 41'ê de lîstikvanê Naby Oulare gol avêt keleha xwe. Anestis Vlachomitros di deqîqeya 79'an, Jefferson jî deqîqeya 90+1 de golek avêt û tîm bi ser ket. Golên Bolusporê Dogan Can Davas (dq 6) û Rasheed Akanbi (dq 21) avêt. Vansporê bi 3 pûanan dest bi lîgê kir.