Diyarname
Îro ji bo eşkerekirina dema Festîvala Belgefîlman FîlmAmedê resepsiyonek li dar ket. Di resepsiyonê de hem dema serîlêdanê, hem dema festîvalê hat eşkere kirin.
Akademiya Fîlman a Rojhilata Navîn û Şaredariya Peyasê bi hev re dê festîvalê li dar bixin. Berî niha 8 caran ev FîlmAmed li dar ketibû, lê piştî kayûm hatin ser kar festîval êdî li dar neket. Niha 9'emîn car dê lidar bikeve. Di resepsiyona festîvalê de îro Mebûsên DEM Partî, Hevşaredarên Kayapinarê Berivan Gulşen Sincar û Cengiz Dundar û endamên saziyên sivîl amade bûn.
Di resepsiyonê de daxuyanî dan çapemeniyê. Kurdiya wê Omer Fidan, tirkiya wê jî Dilan Toftik xwend.
Festîval îsal bi diruşma "Kok... Li dor agir vegotinên rastîn" di nabera 26-30'ê rezbera 2025'an de li dar dikeve. Festîval ji 15'ê vê mehê heta 1'ê pûşperê li benda berheman e.
Di daxuyaniyê de hat gotin ku di sala 2011'an de li bin banê Şaredariya Kayapinarê li Akademiya Hunerê ya Cegerxwîn festîval dihat lidarxistin û wisa hat gotin, "FîlmAmed ji roja destpêkir ve di qada sînemayê de li hemberî sansurê sekinî, bû qadeke ku rastiyê tîne ziman. Wekî tê zanîn piştî 2016'an bi kayûman dest danîn ser vîna gel. Paşê Akademiya Sînemayê ya Rojhilata Navîn bi hejmariya saziyên sivîl herî dawî di sala 2023'yan de li dar xist. Îsal FîlmAmed ligel Şaredariya Kayapinarê dê rêwîtiya xwe bidomîne. Em jî di nav heyecanê de ne festîvala me li her derê bigihînin gel."
Di festivalê di ligel nîşandayîna belgefîlman dê atölye li dar bikevin, bi foruman dê li ser sînemayê nîqaş li dar bikevin.
Ji bo têkilî û serîlêdanê:
www.filmamed.org
filmamedfestival@gmail.com

***

Nûçeya Eleqedar:

- Dema Festîvala Fîlman a Amedê hat eşkere kirin