Diyarname
Li Almanyayê dadgeha Îdarî hemwelatiya kesekî ji Lubnanê bi sedema destê peywirdara jin negirtiye betal kir.
Li Almanyayê kesekî Lubnanî yê 40 salî piştî perwerdehiya zanîngehê bû doktor û di sala 2012'yan de ji bo hemwelatiya Almanyayê serîlêdana xwe çêkir. Di sala 2015'an de hemwelatîbûna wî hat qebûlkirin lê di merasimê di dema pîrozbahiyê de destê jina peywerdar negirt, ev yek red kir. Li ser vê yekê walîtî serî li dadgehê da ku ev serîlêdana wî bê betalkirin. Doktorê Lubnanî jî li ser vê doz vekir.
Dadgeha Îdarî ya Baden Wurttembergê roja 17'ê mehê got ku kesek ji çandeke cuda destê kesek cinsiyeta din negire, tê wê wateyê ku entegreyê jiyana li Almanyayê nebûye. Dadgehê daxwaza walîtî ya redkirina hemwelatiya kesê Lubnanî erê kir.
Dadgehê sedema biryara xwe wisa eşkere kir: Destgirtin di çanda alman de xwedî kevneşopiyek e û heta sedan salan diçe. Destgirtin ji aliyê hiqûqî ve jî tê wateya qebûlkirina peymanê. Ev tevger ji aliyê civakî, çandî û hiqûqî ve xwedî dîrokek xurt e.
Yê Lubnanî jî bi gotina soz daye jina xwe ku dê destê tu jinek din negire xwe parast. Lê paşê doktorê 40 salî gotiye ku bêyî li cinsiyetê binêre ew destê kesî, destê mêran jî nagire.
Dadgehê ev gotina Lubnanî qebûl nekir û parastina wî red kir.
Ji DW Tirkî hatiye girtin