Stenbol
Polîsan êrîşê mebûsên Blokê Sehabat Tuncel, Sirri Sureyya Onder û gel kir, di encamê de Onder û Tuncel rakirin nexweşxaneyê.

Li Stenbolê ji bo şermezarkirina biryara YSK'ê û berdana Hatip Dicle û girtiyên din ku mebûs hatine hilbijartin komek gel ku di nav wan de mebûsên Blokê Sebahat Tuncel, Sirri Sureyya Onder, Ertugrul Kurkçu û Levent Tuzel jî hebûn xwestin meşeke li dar bişin. Polîsan bi gava çavsotîner û avê êrîşê girseyê kir. Mebûs Tuncel û Onder ji ber gazê nerehet bûn û ew rakirin Nexweşxaneya Îlk Yardim a Taksîma Stenbolê. Tuncel ku di heman demê de ji polîsan lêdan xwaribû li nexweşxaneyê birin beşa beşa ortopediyê.

Hate gotin ku Onder jî ji ber gelek gazê rêye nefesgirtinê xira bûye û ew bi cîhazê ve girê dan.  Her wiha endamê Meclisa partiyê ye BDP'ê Cesim Soylu jî birîndar bû.
Di bûyerên de ji gel Şadiye Acep û Erkan Toguç ku ew jî birîndar bûn rakirin nexweşxaneyê.

Li gor agahiyên ku gihîştin ber destê me 10 kes birîndar hene, 23 kes jî ji aliyê polîsan ve hatine binçavkirin.

Mebûs ji nexweşxaneyê derketin

Tuncel û Onder piştî dermankirinê ji nexweşxaneyê derketin û gotin ku ewê der barê polîsan de li cem dozger giliyê bikin. (Ev not, êvarê saet 22.30 de li nûçeyê hat zêdekirin)