DiyarName.Com

Fûara Pirtûkan tê: Va ne agahiyên herî dawî

Cemil Oguz

Fûara Pirtûkan a Stenbolê îsal 40'emîn car deriyên xwe verike. Lîsteya beşdaran û ya bernameyan gihîşt ber destên me.

Fûara Pirtûkan a Stenbolê ji aliyê TUYAP'ê ve tê organîzekirin. Fûar îsal di navbera 28'ê kewçêrê û 5'ê sermawezê de li dar bikeve.

SEDSALIYA KOMARÊ

Ji ber ku Komara Tirkiyeyê ketiye 100 saliya xwe fûarê îsal mijara bingehîn wekî sedsaliya komarê hilbijartiye û bi diruşma "Bijî Komar" ev mijar girtiye dest. Di vê çarçoveyê de gelek panel û gotûbêj dê li dar bikevin. Wêjeya zarok û ciwanan, roman, ceribandin, rexnegirî û weşangeriya 100 salê dê bê nîqaşkirin.

10 SALON HENE

Fûara ku demek heta 14 salonan jî cih vediqetand îsal 10 salon saz kirine. Di van 10 salonan de li dor 998 weşanxane û saziyên sivîl ji nav û derveyî Tirkiyeyê têde cih bigirin. Li dor 400 çalakî wê li dar bikevin û li dor 2 hezarî nivîskar jî dê pirtûkên xwe imze bikin.

MÊVANA RÛMETÊ UNAT E

Di sala 1987'yan fûarê yekemîn car meseleya Mêvanê/a Rûmetê girtibû dest û wê çaxê Fazil Husnu Daglarca wekî Mêvanê Rûmetê diyar kiribû. Di vê 40 salî de gelek kes bûn Mêvanê/a Rûmetê û fûarê îsal Prof. Dr. Nermin Abadan Unat wekî Mêvana Rûmetê eşkere kiriye. Unat li Tirkiyeyê yek ji wan kesan e ku hewl daye zanistên ragihandinê çêbibe. Ew, nivîskar, werger, hiqûqzan, civaknas û zanyara ragihandin û siyasetê ye. Di vê çarçoveyê de li ser wê dê çalakî bêne li dar xistin.

Li aliyê din fûara ku her sal bala xwe dide ser welatek, îsal welata li ser disekine Hindistan e.

WEŞANXANEYÊN KURDAN

Van salên dawî weşanxaneyên kurdan ji ber sedemên aborî kêm beşdarî fûarê dibin. Li gor lîsteya ku gihîştiye ber destên me îsal tenê weşanxaneyeke kurdan beşdar dibe: Nûbihar. Weşanxaneya Nûbiharê ku her sal beşdarî TUYAP'ê dibe, îsal jî dê Salona 8'an, no 816'an de cihê xwe bigire. Her wiha ji saziyan Weqfa Îsmaîl Beşîkçî jî dê cihê xwe bigire.

Li aliyê din, Weqfa Îsmaîl Beşîkçî gotûbêjek li dar dixe. Gotûbêja bi navê "1916 Kurt Tehciri" (1916 Sirgûnkirina Kurdan) dê roja 28'ê vê mehê saet 15.00'an de li Salona Sedefê li dar bikeve. Lêkolîner Celal Temel wekî axifger dê têde cih bigire.

ÎSTATÎSTÎKÊN HETA NIHA

Dîroka Fûara Pirtûkan a Stenbolê digihîje sala 1982'yan. Ev 40 sal in li dar dikeve. Di van 40 salan de 15 hezar weşanxane û saziyên sivîl di fûarê de cih girtine. Li aliyê din heta niha ji 12 mîlyonî zêdetir hezkiriyên pirtûkan çûne serdna fûarê.

***

Nûçeya Eleqedar:

- Agahiyên nû li ser TUYAP'a îsal

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.

***

DIBE KU EV NÛÇE JÎ BALA TE BIKIŞÎNIN (Sernavê bitikîne):

- Îdîaya Mem Med: Çîroka kurmancî li gorî cureyên edebî yên din herî pêş e

- Samî Hêzil: Divê em cihê wergerê di çand û zimanê xwe de diyar bikin: serê jorê an ber dêrî?

- Îdîayeke balkêş: Ev welat dixwaze navê xwe biguherîne

- Receb Dildar: Berteka ji bo xweparastinê tevgere xwezayî ye

- Di 30 salên dawî de çend pirtûkên kurdî çap bûne?

- 2022: Hemû pirtûkên bi kurdî yên salê

***

Hesabên Diyarnameyê

- twitter.com/diyarname1

- facebook.com/diyarname