Enqere
YSK hin berendamên Bloka Azadî, Demokrasî û Kedê veto kir. Tê gotin ku bi vê gavê û hin gavên paşê dê bêne avêtin dixwazin pêşî li serbixweyan bigirin ku nikaribin di meclisê de komê ava bikin.
Tê gotin ku ev demek e li Enqereyê li ser vê senaryoyê xebat têne kirin.
Berendamên YSK'ê pêşî li wan girtiye yêdekên wan jî tune ne. Berî vê biryarê ku pêşî li berendamê Agirî Murat Ozturk jî hatibû grtin. Hesab ew bû ku dê 28 berendamên serbixwe derên, lê bi vê gavê îro hilbijartin çêbe dîsa dê 24 berendam derên. Ji ber ku Ahmet Turk û Aysel Tugluk bêne hilbijartin jî ji ber qedexeya siyasî ya li ser wan nikarin bibin endamên tu partiyê, lewma hesaba avakirina komê di rîskê de ye tê kirin.
Hesaba duyemîn jî li ser girtiyên bi îdîaya KCK'yî ye. Serdozgerê berê Sabih Kanadoglu ev demeke dibêje "Girtî bêne hilbijartin jî ew nayên berdan."
Kanadoglu di dema nîqaşa 367 mebûsan de gotinên xwe gotibûn û AKP li hemberî vî reaksiyonên tûj nîşan dabû, lê tê gotin ku gotina Kanadoglu ya li ser berendamên serbixwe yên girtî li xweşa AKP'ê çûye.
Di vê rewşê de ji bilî Hatip Dicle ku navê wî hatiye vetokirin, girtiyên din Selma Irmak, Kemal Aktaş, Faysal Sariyildiz, İbrahim Ayhan, Gulseren Yildirim ku bêne hilbijartin jî ger neyên berdan wê çaxê pirgsirêka avakirina kom tam derdikeve holê. Lewma ji 24'an dema 5 bê derxistin 19 dimîne.
Niha li Enqereyê hesab bi ser hesaban de tê kirin. BDP jî di nîqaşê de ye gavek çawa bavêje.
**
Nûçeyên eleqedar:
- S.Sureyya Onder: Bêjin bila nan jî nedin wan
- Demirtaş: Emê neketina hilbijartinê jî binirxînin
- Flash: YSK'ê, Zana, Dicle, Kişanak jî têde 12 serbixwe veto kir
- Vane berendamên ku BDP piştgirî dide wan