Diyarname
Hunermend Enver Demirbag ê ji Palûya Elezîzê ku di salên 1970'yan de gelek navdar bû li mala xwe di encama şewatê de jiyana xwe ji dest da.

Demirbag hunermendê berê yê TRT'ê bû û di sala 1935'an de li Palûya Elezîzê hatiye dinê. Di ciwaniyê de dest bi muzîkê kiriye û di dîwanan de stran gotiye. Demirbag di salên 70'yan de li ji 5 tenorên navdar yek bû û di vê extiyariya xwe de li Elezîzê li mala xwe bi tenê dijiya. Demirbagê 75 salî ku nîv felc bûbû ji ber sobeya bi elektrîk agir li mal ket û şewitî.

Demirbag bi dengê xwe û bi şiroveya xwe stranên Elezîzê navdar kir. Hin stranên ku bi dengê Demirbag navdar bûne jî ev in "Dersim dort dag içinde" (Dêrsim li nav çar çiyan), "Havada bulut yok" (Li hewayê ewr nîn e), "Geline bak geline" (li bûkê binêre, bûkê), "Odasina vardim" ne.

Herî dawî Kalan Muzîk ku albumên arşîvî jî derdixe albuma Demirbag jî bi navê "Kar Mi Yagmiş Şu Harputun Başina" derxistibû û têde 39 stranên wî hene.

**

Wekî notek: Hunermendê navdar Kazanci Bedih jî li mala xwe ji ber sobeyê jiyana xwe ji dest dabû.

Û vaye straneke ji Enver Demirbag: