Diyarname

Koreya Başûr ragihand: Vê înê dest bi bikaranîna tora 5G dike. Teknolojiya 5G dikare di saniyeyê de 2 GB (gigabyte) daneyan ragihîne cihek din.

Koreya Başûr ragihandibû ku di sala 2020'an de dê derbasî teknolojiya 5G bibe lê bi vê yekê ev salek bi pêş ve kişandin. Li gelek welatan hêvî ew e ku di navbera salên 2020-2023'yan de derbasî 5G bibe.

Li Koreya Başûr kompaniya telekomunîkasyonê ya herî mezin "South Korea Telecom" e. Kompaniyê îro ragihand ku roja înê dest bi vê xebatê dike.
Koreya Başûr bi DYA (Dewletên Yekbûyî yên Amerîkayê) û Çînê re di warê bikaranîna teknolojiyê de di qayişkêşanê de ye. Ew bi pêşxistina 5G'yê dikin ku bajarên jîr û erebeyên otonom pêş bixin, aboriya xwe ya ku di 6 mehên dawî yên 2018'an de hêdî diçûn zindî bike.

Teknolojiya 5G dê sektora lîstikan bi temamî biguherîne û lîstikan di telefonên jîr de di asta mînîmûm "lag" de bixebitîne. 

Kompaniya koreyî li 85 bajaran ji bo 5G 34 hezar heb îstasyonên bazê yên 5G saz kirin. Niha li dinyayê Koreya Bakur welatê herî zêde xwedî înterneta bi lez e, lê bi vê 5G'yê dê leza înterneta wan 20 qat bilezkir bibe. 5G di saniyeyê de 2.7 GB agahiyan ragihîne. 

Ji reqîbên koreyê DYA  dike ku di dawiya 2019'an de 5G ya bazirganî bixe jiyanê.