Diyarname
Li  herêma Gallerê li bajarê Dolgellau kesek bi navê Gwilyn Hudges heta îro li 28 hezar heb fîlmî temaşe kiriye.

Li gor nûçeya rojnameya Daily Post li bajarê Dolgellau ya Gallerê Gwilyn Hudges ê 63 salî heta niha li 28 hezar û 74 fîlmî temaşe kiriye û bi sertîfîkaya ku ji pirtûka rekoran Guinnessê girtiye ev yek çeqsandiye. Her wiha Hudges daye zanîn ku piştî ku rekor şikandiye û sertîfîka girtiye li 213 fîlmên din jî temaşe kiriye.

Hudges bi vî awayî qala çîroka xwe kiriye: "Yekemîn sertîfîkaya xwe min di sala 1994'an de ji Pirtûka Rekoran a Guinnessê girt. Ji sala 1956'an ve ez li fîlman temaşe dikim. Yên der û dora min dibêjin qey ez bi televîzyonê ve hatime zemqkirin lê ne wisa ye. Ez endamê fexrî yê nêzî 10 komeleyên alikariyê yên li Dolgellauyê me. Dema jina min Eirlys li bernameyên pêşbaziyê yan jî li rêzefîlman temaşe dike ez li odeya din li fîlman temaşe dikim. Lê em ji hev ne aciz in. Ger hûn ji fîlmê ku herî zêde ez jê hez dikim bipirsim ez ji fîlmên derhênerê îngilîz David Lean "Lawrenceya ji Erebistanê", "Pira Kwai" û "Heviyên Mezin" in. Bi taybetî dîmenên li çolê yên di fîlmê Lawrence de pir mikemel bûn."

Di dema ku ev nûçe hat amadekirin de Gwilyn Hudges hê jî li fîlman temaşe dikin û her ku diçe hejmara temaşekirina wî ya li fîlman zêde dibe.