Diyarname

Vizêrî di Lîgê Şampiyonan ê UEFA de maçey Juventus û Atletîco Madrîdî bîbî. Kaykerdoxê Juventusî Ronaldo bi "hat-trick" morê xo ro şewe da.

Di maça joyîn de Atletico Madrîdî bi 2-0 Juventus şirawitbî kê xo. Maça diyin Îtalya de hamî kaykerdiş. Cristiano Ronaldo ke emsar bi 117 mîlyon Euro bonservîsî transferê Juventusî bîbî di deqey 27, 49 û 86 de hîrê golî eyştî. Bi enî golan hem Juventûs derbasê çarîk fînalî bî, hem jî qîmetê Juventusî bî zêde. Di şewêke de Borsay Mîlano de hîsse Juventusî sera 30 zêde bî.

Ronaldo jî bi enî "hat-trick"î bi şirîkê rekorê Messi. Keykerdoxê Barselona Lionel Messi di Lîgê Şampiyonan de 8 rey "hat-trick" kerd bî û rekor di destê ê de bî. Dimay ê ra Ronaldo hamey ne, "hat-trick" ê emşo ra Ronaldo jî resa "hat-trick" ê 8'inan û bî şirîkê rekorê Messi. Dimay wirdînan re kaykerdox Filippo Inzaghi, Mario Gomez û Luiz Adriano bi 3 "hat-trick'an dimay yînan yenê.

Emşo di maçê bînî estê

Heftew bîn Totenham, Porto, Manchester United û Ajaks tûr derbas kerd bî. Şewa bîne jî xeynê Juventusî, maçêke bîne bîbî. Di ene maçe de Manchester City paştey reqîbê xo Shalke bi 7-0 da erd û derbasê çarîk înalî bî. 

Emşo jî go di maçan de 2 tîmê bînî derbasê çarîk fînalî bibê. Bayer Munih tîmê îngilîz Liverpoolî, Barselona jî tîmê Fransa Lyonî keno meyman. Wirdî maçê joyînî bi 0-0 deqiyaybî.