Diyarname

Li paytexta Spanya Madrîdê navên kolan û qadan ên têkilî bi serdema dîktator Francisco Franco hene têne guhartin. Di Meclisa Şaredariya Madrîdê de ji bo vê yekê dengdayîn çêbû. Endamên Partiya Gel a ku serokê wê Serokwezîr Mariano Rajoy e dijî vê yekê derket. Wan îdîa dikir ku ev yek ne rojeva madrîdiyan e. Lê dengdan bi endramên Partiya Karkerên Sosyalîst a Spanyayê (PSOE) û Partiya Hemwelatiyan hat qebûlkirin.

Bi vê yekê navê 52 kolan û qadan dê bê guhartin ku di nav van de qada "Caudillo" jî heye ku "Caudillo" tê wateya "Rêber".

Di tabela, kartvîzît û kolanên Madrîdê de ev nav hene ku dema ew bêne guhartin dê 50 hezar hemwelatî û 2 hezar kargeh bikevin bin bandora vê yekê. Ji bo vê yekê jî Şaredariya Madrîdê difikire ku alîkariya van kesan bike. 

Vê hefteyê biryar di lijneya rêveberiyê de jî dê bê qebûlkirin û paşê bikeve jiyanê.

Bi giştî navê 120 kolan û qadan têde navên aîdê serdema Franco hene ku ji van bi biryara hatiye girtin dê navên 52 kolan û qadan bê guhartin.