Diyarname

Amed Sporê 2'yemîn Kongreya xwe ya Awarte li dar xist û rêveberiya xwe nû kir.

Amed Sporê li Odeya Esnaf û Senatkaran a Amedê roja 4'ê mehê kongreya xwe li  dar xist. Di kongreyê de Nurullah Edemen û Şivezat Işik Zorlu carek din ji bo hevserokatî hatin hilbijartin û Suleyman Gokalp, Abdullah Sevinç, Soran Haldi Mizrak, Eser Sonmez, Adnan Zengin, Besra Ekinci, Hakan Yeter, Ekrem Karakoç, Firat Kasimoglu, Remzi Dinar, Servet Erol, Osman Ocaklik, Şeref Yuksel ji bo rêveberî hitin hilbijartin. Mehmet Oner, Sinan Savaşli û Yilmaz Demir jî ji bo Lijneya Dîsîplînê hatin hilbijartin.

Di kongreyê de kaptan Şehmus Ozer ku di qezayê de wefat kiribû hat bibîranîn.

Di kongreyê de yek ji serokên berê Îhsan Avci ku Serokatiya dîwanê kir li ser xirakirina Stada Ataturk a Diyarbekirê axivî û got ku di vê ev der nebe cihê rantê, ji dêvla stadê hatiye xirakirin tesîsên sporê li wê derê bêne çêkirin û got, "Bila zarok nemirin û ew jî werin maçan."

Edemen jî got ku ligel hemû êrîş û zordariyan Amed Spor ji roja hatiye avakirin her mezin bûye, ji bo sazkirina bingeheke xurt xebatên wan didomin.