Diyarname
PEW ku li seranserê dinyayê lêkolînê dike, di lêkolîna xwe ya nû de da zanîn ku Tirk ne ji Amerîka, ne YE, ne NY û ne jî ji Rusya û Obamayê hez dikin

Lêkolîn bi navê "Helwestên Global 2009" hatiye kirin û ji bo vê yekê li 25 welatan bi 27 hezar kesî re hevdîtin hatiye kirin. Li gor lêkolînê li Tirkiyeyê hejmara kesên ku ji Amerîkayê hez nakin sedî 69, yên ku hez dikin jî sedî 14 e. Hejmara tirkên ku ji Yekîtiya Ewropayê (YE) hez nakin sedî 59, yên ku hez dikin jî sedî 22 derket.

Sedî 57'ê ku ji bo lêkolînê dîtinên xwe anîne ziman ji Neteweyên Yekbûyî (NY) hez nakin. Her wiha ji van sedî 33 bi Serokê DYA'yê Barak Obama bawer in û sedî 52 jî jê ne bawer in.

Di lêkolînê de hejmara kesên ku Çînê ji xwe re neyar dibînin gelek bilind e, hejmara tirkên ku ji Rusyayê hez nakin jî sedî 63 ye.

Dîsa lêkolîn diyar dike sedî 2'yê tirkan bawerî bi Serokê El Kaide Usame Bin Ladin tînin.