Stenbol
Li Qada Kazliçeşmeya Zeytînburnuya Stenbolê 500 hezar kes hate ba hev û Newroz pîroz kir.Newroza ku ji aliyê Ji bo Aştiyê Platforma Çareseriya Demokratîk ve hate organîzekirin mohra xwe li dîroka Newrozên li Stenbolê da.
Ji serê sibê de gel ber bi Qada Kazliçeşme ku bûye qada Newrozê ve herikî. Ji çar aliyan ve mirov di bin lêgerînan re derbas bûn û ketin qada Newrozê. Ji serê rê heta nava qadê her der bi rengên kesk, sor û zer hatibû xemilandin.
Li kêleka qadê ku polîs hatibûn bi cih kirin ji ber ku gel li qadê bi cih nebû polîs bi paş ve kişiyan û ew der jî ji bo girsiyê hate veqetandin lê dîsa jî qad têra beşdaran nekir. Heta niha di dîroka Newrozên Stenbolê de yekem car e ew qas kes tê ba hev û Newroza xwe pîroz dike.
Midûrê Emniyeta Stenbolê jî li qadê, rê dida ber polîsan. Li gor agahiyên ku polîsan pêşkêş kirin hejmara kesên ku beşdarî Newroza Stenbolê bûn 140 hezar e. Lê komîteya amadekar jî dibêje ku ji 500 hezar kesî zêdetir li qadê kes heye.
Di Newrozê de mebûsên Stenbolê Sebahat Tuncel, Ufuk Uras û hevseroka BDP'ê Gultan Kişanak axaftin kirin. Kişanak li ser guherandina zagona bingehîn sekinî û got: "Ger hikumet û AKP dijî asîmîlasyonê ne bila xala 42'yan ya zagona bingehîn biguherînin û mafê perwerdehiya bi zimanê zikmakî bixin nav paketa guhartina zagonê. Bila zagona têkoşîna bi terorê re bi guherînin. Bila bendava hilbijartinê daxin."
***
***
Li ser NEWROZ'a 2010'an nûçeyên eleqedar:
- Li Amedê mîlyonek kesî agirê Newrozê gur kir
- Li gelek bajar û navçeyan agirê Newrozê bilind bû
- Newroza Wanê bi gurahiyeke mezin dest pê kir
- Bi dehezaran kes ji bo Newrozê li qadan bûn
- Newroz bi beşdariya sedhezaran dest pê kir
- Bajar bi bajar bernameya Newrozê