Diyarname
Roja 29'ê mehê siyasetmedar Orhan Dogann dê bi çalakiyên cur bi cur bê bibîranîn.

Siyasetmedarê kurd, parlementerê DEP'ê parêzer Orhan Dogan di 2'emîn salvegera wefata xwe de li warê xwe li navçeya Cizîra Şirnexê dê bi rêze çalakiyan bê bibîranîn.

Li gor agahiyên ku gihîştine ber destê me di rêze çalakiyan de dê parlementera DEP'ê ya berê Leyla Zana, Şaredarê Sêrtê Selîm Sadak, Şaredarê Bajarê Mezin ê Amedê Osman Baydemir, parlementerên DTP'ê, Serokên Rêxistinê DTP'ê yên bajar û navçeyan, hevsera hunermend Ahmet Kaya Gulten Kaya, nunerên partiyên sîyasî û saziyên civakî jî di nav de gelek kes beşdar bibin.
Bîranîn dê 2 rojan dom bike.
Di roja 29'ê pûşperê de dê bi girseyî biçin ser gora Orhan Dogan û gorê ziyaret bikin. Di 30'ê pûşperê de jî li Navenda Çand û Hunerê ya Mem û Zînê dê Dîvana Dengbêjan bê sazkirin. Dîsa dokumantera bi navê 'Hejale' dê bê temaşekirin.