Diyarname
Hevserokên BDP’ê Selahattin Demirtaş û Gultan Kişanak ji bo Roja Zimanê Zikmakî daxuyaniyeke nivîskî weşand.
Hevserokên BDP’ê di daxuyaniya xwe de bal kişandin ser Peşmana Mafên Mirovan a Ewropayê ku peymaneke parastina zimanên zikmakî din ava xwe de dihebîne û dixwaze bi zimanê zikmakî perwerdehî bê kirin.
Dîsa daxuyanî balê dikişîne ser tunehesibandina ziman û çanda kurdî, cezaya li Azadiya Welat tê birîn, berhevkirina pirtûk û kovarên kurdî û dibêje ku divê hemû qedexeyên li peşberî ziman bêne rakirin. Daxuyanî dibêje ku ji rêveberiyên herîmî di warê çand û huner, perwerdehî, çapemenî û di warê xebatê raya giştî de bi zimanê zikmakî xebatê bike divê hemû astengî û qedexe bêne rakirin.
Di dawiyê de Hevserokên BDP’ê vê bangê dike:
- Divê xala 42’yan a Zagona Bingehîn bê guhartin. Zagoneke hemdem, gerdûnî, hembêzkar, zagona ku azadî dide cudahiyên etnîkî û zimanî bê amadekirin.
- Divê bi çavê “cudaxwazî” û “kêmetnîkî” li meseleya perwerdehiya bi zimanê zikmakî neyê nêrîn, wekî hebûneke pirçandî bê dîtin, wekî mafê mirov û demokrasiyê lê bê nêrîn û ji dibistana seretayî heta zanîngehê bi zimanê zikmakî perwerdehî bê kirin.
- Divê Zagona Bingehîn a Perwerdehiya Neteweyî, Zagona Hîndekariya Bilind, Zagona Radyo û Televîzyonan li gor rastiya pirçandî ya Tirkiyeyê ji nû ve bê vesazkirin.
- Divê dev ji neteweya yek etnîk, yek ji ziman û yek çand bê berdan. Di vî warî de bi zimanên cihê yên Anatoliyê çalakiyên çand û hunerî bêne sazkirin, bi awayê îdarî û malî piştgirî ji bo wan bê kirin.
- Zagona Rêveberiyên Herîmî ji bo ve bê sazkirin, ji bo gel zêdetir xizmetê bibîne astengiyên li pêşberî “Rêveberiya Herêmî ya Pir Zimanî” bê rakirin.
Hevserokên BDP’ê Demirtaş û Kişanak bi vê gotinê dawî li daxuyaniya xwe anîn: “Bi hêviya ku wê qedexeyên li ser zimanê zikmakî rabin em Roja Zimanê Zikmakî ya hemû dinyayê pîroz dikin.”
***
Nûçeyên eleqedar:
- Li Amed, Batman û Stenbolê çalakiya Roja Ziman
- Li Sêrtê ji bo Roja Zimanê Zikmakî panelek li dar dikeve
- Di roja Zimamê Zikmakî de çalakiyên li ser ziman
- Ji Kurdî Derê gaveke din: Afîşên alfabeya kurdî
-
.jpg)
.jpg)
