ÎBRAHÎM AÇIKYER - ENQERE

Rojnameger Hamdiye Çîftçî a bi îdîaya ku bi telefonê tevlî Roj TV bûye û bi midûrê nûçeyan re hevdîtin kiriye, her wiha di komîteya îdeolojîk a KCK’ê de cih girtiye du salan girtî ma, çîrokên jinan ên li girtîgehan anî cem hev û pirtûka bi navê ‘Jin û Zindan’ weşand.

Pirtûka rojnameger Hamdiye Çiftçî Oksoz bi navê ‘Jin û Zindan/Rojnivîska Jineke Rojnamevan ’ hate weşandin. Pirtûka ji Weşanên Îkîncî Adim hat weşandin, ji sê beşan pêk tê. Beşa yekem ji çîroka jinên girtîgehê pêk tê. Di beşa duyem de bîranînên Çîftçî Oksuz cih digire, di beşa dawî de jî wêne cih digirin.

Di pêşgotina pirtûkê de jî îmzeya rojnamevan Asli Aydintaşbaş, rojnamevanê DYA’yî Jake Hass ku di çarçoveya KCK’ê de hat binçavkirin, rojnamegerê Elman Mîchale Knapp hene.

Çîftçî Oksoz bi hevoka ‘wênekêşa min wekî çekê tê dîtin’ rojên girtîgehê vedibêje û diyar dike ku gelek xebat û nûçeyên wê nîvco mane. Çîftçî Oksoz  bi vegotineke zelal fikr, nêrîn û xeyalên xwe vedibêje.

Oksoz diyar dike ku hê di 14 saliya xwe de mala wan her tim rastî zextan tê û wiha dibêje: “Bi postalan nivînên me pelçîqandin.  Penîrên me yên di bin erdê de derxistin û gotin ka çek tê de hene yan na. Lênûska min a ku straneke Ferhat Tunç a bi navê ‘Yaro’ min lê nivîsî bû girtin. Yekî ji wan ji min re got: “Keça min binêre, ez dewlet im her tiştî dikarim biqelişim, bigirim, ji ber ku ez bi hêz im."  Yê din jî ji min re got, "Kesên di temenê de bi Ayşe, Fatmayê re mijûl dibin. Tu vê cesaretê ji ku digirî.'

LI BER ÇAVÊN ME ÎŞKENCE LI ZAROKAN KIRIN

Çîftçî Oksuz bi lêv kir ku ev bi gotinên ‘Jinek nikare rojnamevaniyê bike’ re rû hev hatiye û got ku ew ji ber vê nêrînê têk bibe têdikoşe.

Hamdiye Çîtfçî Oksoz di berdewamiya gotinên xwe de balê dikişîne ser îşkenceya ku di sala 2008’an de polîsan li Colemêrgê bi zarokê navê Cuneyt Ertuş kirine û wiha berdewam kir: “Li kolanê zarokek li pey xwe kaş dikirin. Bi hovîtiyek mezin li zarok dixin. Heqaret lê dikirin. Gaz kirin devê wî. Paçê ku zarok berê li devê xwe gerandibû jê danîn xwarê û gaz berdan devê wî. Li ber çavên me îşkenceyek hovane kirin. Me êdî nikaribûn li ber wî dîmenê bisekinin. Dujîn lê dikirin. Zarok êdî ji girî deng jê dernediket. Di destê polîsan de li me dinêrî, weke ku bêje min xilas bikin.

LI PEY RASTIYÊ ÇÛYÎN

Çîroka girtina Çîftçî Oksoz ji nûçeya îşkenceya li zarok hatiye kirin destpê dike. Piştî dîmenên îşkenceya zarok di 1’ê Nîsana 2008’an de tê binçavkirin û berdan. Lê di çarçoveya operasyonên de hate girtin.

Çîftçî Oksoz wiha dibêje: “Weke ku hemû jinan rêya xwe şaş kiribû hatin koxuşê. Koxuşa jinan koxuşa, hêvî, îhtîras, têkçûna xeyalan, îxanet, paqijiyê bû. Êşa her jinekê heye. Çîroka her kesekî cuda ye. Her kes li pey xeyalên cuda çûye. Hêviyên demsalê jiyabûn. Di esas de qedera hemû jinan yek bû. Hemû di encama polîtîkayên qirêj de ketibûn girtîgehê.

Di beşa yekemîn a pirtûkê de aliyê balkêş ê çîroka jinan cih girt, bi cudabûna xwe bal dikişandin. Çîftçî Oksoz naskirina gerîlayeke jin a li girtîgehê jî vedibêje û got: “Li Koxuşê min hevalek jin a siyasî silav kir. Ez hembêz kirim. Ji min re got; Min wisa bêriya dîtina hevaleke jin kiriye ku’. Me hinek sohbet kir. Got ez birîndarim. Li Çoltera Bedev bi 12 gerîlayên ku jiyana xwe ji dest da de birîndar ketibû destê dewletê.

BÎRANÎN

Di pirtûkê de Çîftçî Oksoz diyar dike ku bi sedan zarokên Kurd jî di zindanan de mezin dibin û her wiha di beşa duyemîn a pirtûkê de bîranînên li girtîgehê tên vegotin.

ROJNAMEYA ÇEQ ÇEQ

Çîftçî Oksoz ku di girtîgehê de her tim aliyê xwe yê rojnamegeriyên zindî hişt, wiha dibêje: “Belkî ne rojnameyeke ku her kes dişopîne yan jî di matbaayê tê çapkirin nîne lê rojnameya me ‘Rojnameya Çeq Çeq’ her hefte bi roportajeke bi hevalên me re dihat dikir li panoya me dihat daliqandin. Her wiha di vê rojnameyê de helbest, nivîs, karîkator jî derdiketin.

Çîftçî Oksoz da zanîn ku ew ê pêşengeha xwe ya wêneya bi navê ‘Li herêmê jin û zarok’ dê veke û got ku xebata wê ya pirtûka helbestan heye.

ANF