Amed
2'yemîn Kampa Ciwanan a Xwezayê ya ku bi diruşma 'Bi xwe bizane, cîhanê nas bike' ji aliyê Şaredariya Yenîşehîr a Amedê ve hate destpêkirin, didome.

Di kampa ku li Qada Mesîre û Seyranê ya Şaredariya Yenîşehîrê tê lidarxistin de îro jî hin çalakî li dar ketin.
Ciwanên ku kon vedan, li ser mijarên cuda nîqaşan dimeşînin û bi aktîvîteyên wekî futbol û voleybolê strasê diavêjin.
Parlamentera DTP'ê Ayla Akat Ata ku qada kampê ziyaret kir, bi ciwanan re sohbet kir. Ata, piştre bi ciwanan re beşdarî semînera "Çand, dîrok û zimanê kurdî" bû û guhdarî axifgerê senîmerê Îhsan Culemêrgî kir.
Nivîskar Îhsan Colemêrgî ji ciwanan xwest ku xwedî li çand û nasnameya xwe derkevin.

Ber bi êvarkî jî bi beşdariya rojnameger Metîn Yegîn semînera bi mijara 'Tevgerên sosyalît' hate lidarxistin.

Kampa ku digel çalakiyên sportîf bi çalakiyên çandî jî didome, têde atolyeyên wekî 'çand û dîroka kurd', 'ekoloî', 'çand û huner û ciwan', 'kooperatîfî û ciwan', 'tenduristî' 'spor' û 'perwerdehî' jî têne li dar xistin.