Diyarname
Nivîskarê malpera me, helbestvan, hunermend û nivîskar Hekîm Sefkan piştî rojekê li nexweşxaneyê niha li mala xwe ye û rewşa wî baş e.
Ev demek bû Sekfan ji aliyê xwe yê çepê ve bi gazin bû û ew êş ber bi dil ve diçû. Roja 5'ê mehê bi tirsa ku dilê wî jî diêşe çû nexweşxaneya Hannover. Dixtoran bi lezgînî ew girtin bin qontrolê û rojekê ew ji 4 qontrolên mezin re derbas bû. Di encamê de diyar bû ku tiştek dilê wî nîn e lê damarên milê çepê kirêç (îltîhap) girtine ku ew bandorê lê dikin. Sefkan rojek li nexweşxaneyê ma, roja 6'ê mehê nîvrokî dixtoran hin derman danê, biryar dan ku fîzîk tedawî bibe û ew şandin mala wî.
Nivîskarê me Hekîm Sefkan niha rewşa wî pir baş e û her wiha li ser karê xwe ye. Li gor dixtoran êşa pêre jî bi dermanan û fîzîk tedawî gere derbas bibe.
Em li ser navê Diyarnameyê kêfxweş in ku rewşa wî baş e û jêre dibêjin derbasî be