Stenbol
Doza Ergenekonê ku ev salekê ye didome bi eşkerekirina îdîanameya wê re kete merheleyeke nû. Vane agahiyên ji îdîanameyê:

- Serdozgerê Komarê yê Stenbolê Aykut Cengiz Engin vê sibê îdîaname eşkere kir.

- Îdîaname êdî li ber destê dadgeha Cezaya Giran a 13'emîn ya Stenbolê ye.

- Di îdîanameyê de der barê kesên tawanbar de ji sûca 'terorê' doz tê vekirin. Her wiha ew bi êrîşa li Daniştay û rojnameya Cumhuriyetê jî têne sûcdarkirin.

- 'Rojnivîska Derbeyê' ku di kovara Nokta de hatin weşandin û hate îdîakirin ku aîdê Serleşkerê Hêzên Behrê Ozden Ornek bûn di îdîanameyê de cih negirtin.

- Îdîaname ji 441 klasor, bi giştî 2455 rûpel e û lêpirsîn hê didome.

- Serdozger Engin da zanîn ku îdîaname hê dadgehê nepejirandiye, lewra aliyê wê yê 'veşarî' heye loma ewê nikaribe kîte bi kîte agahiyan bide.

- Der bare 48 girtî, 38 jî yê serbest lê di nav dozê de, bi giştî der barê 86 kesan de ev îdîa hatine kirin ku di îdîanameyê de cih girtine:
Avakirina rêxistineke çekdar a terorî û bi rê ve birina wê
Bûyanî endamê rêxistineke terorî ya çekdar
Piştgirî dayîna ji bo rêxistina terorê ya çekdar
Bikaraînan şîdetê û ji holê rakirina Komara Tirkiyeyê û deleta wê, an jî pêşî lêgirtina peywira wê.
Bi çek rakirina gelê Komara Tirkiyeyê ji bo serhildareke
Veşarina medeyên çekdar, bikaranîna vê û defhdayîna ji bo vê yekê
Dehfdayîneke ji bo êrîşa li Daniştay û rojnameya Cumhuriyetê
Bidestxistina agahiyên veşarî yên dewletê
Teşwîqkirina bêîteatiya leşerî û hwd.

Di çarçoveya Ergenkonê de tuggeneralê malnişîn Veli Kuçuk, Serokê ÎP'ê Dogu Perinçek jî têede 49 kes hatibûn girtin.

Yêr ku girtî ne

Di vê dozê de kesên berê hatibûn girtin ev in: tuggeneralê malnişîn Veli Kuçuk, Serokê ÎPRê Dogu Perinçek, Serketerê Giştî ye ÎP'ê Nusret Senem, Berdevkê çapemeniyê yê Patrîkhaneya Tirk Ortodoksê Sevgi Erenerol, parêzer Kemal Kerinçsiz, Serokê Komeleya Kuvayı Milliye kurbay albayê malnişîn Mehmet Fikri Karadag, bînbaşiyê malnişîn Fikret Emek, astsubayê malnişîn Oktay Yildirim, yuzbaşiyê malnişîn Muzaffer Tekin, yuzbaşiyê berê Zekeriya Ozturk, yuzbaşiyê malnişîn Gazi Guder, astsubayê malnişîn Mahmut Ozturk, astsubayê malnişîn Orhan Tunç, çawişê pispor ê kevn Muhammet Yuce, Bekir Ozturk, Murat Çaglar, polîsê berê Aydin Yuksek, nivîskar Ergun Poyraz, dozxwarê ji 'Doza Susurlukê' Sami Hoştan, Doç. Dr. Umit Sayin, Doç. Dr. Emin Gurses, rojnameger Vedat Yenerer, Gerînendeyê weşanê yê kovara Aydinlikê Serhan Bolluk, Endamê lijneya Rêveberiyê ya nala Ulusal Adnan Akfirat, Gerînendeyê Weşanê yê Giştî yê kanala Ulusalê Ferit İlsever, Nûnêr kanala Ulusalê yê Îzmîrê Hayati Ozcan, Hayrettin Ertekin, Mehmet Demirtaş, Muzaffer Şenocak, Îsmail Yildiz, Mete Yalazangil, Ayşe Asuman Ozdemir, Huseyin Gazi Oguz, Kahraman Şahin, Erol Olmez, Erkut Ersoy, Huseyin Gorum, Oguz Alpaslan Abdulkadir, Abdullah Arapoglu, Umit Oguztan, Vatan Bolukbaşoglu, Muammer Karabulut, Abdulmuttalip Tonçer, Selim Akkurt, Hikmet Çiçek, Ali Kutlu, Rasim Gorum û Behiç Gurcihan

Serokê ADD'ê orgeneralê malnişîn Şener Eruygur, orgeneralê malnişîn Hurşit Tolan, Serokê ATOyê Sinan Aygun û 7 girtiyên din ku di 1'ê vê mehê de hatibûn girtin ne di nav van girtiyan û vê îdîanameyê de ne. Ew jî di çarçoveya operasyona Ergenekonê de hatine girtin lê ji bo wan dê îdîanameyeke duyem bê sazkirin.