Diyarname
Vê sibê hin kesan bi çekan êrîş bir ser balyozxaneya Amerîkayê ya Stenbolê. Vana agahiyên dawî:

- Di êrîşê de 3 polîs (du jê polîsên trafîkê û yek jî parêzgerê balyozxaneyê) û sê êrîşkar mirin.

- Navên polîsên ku di êrîşê de mirin: Nedim Çalik, Erdal Oztaş û Mehmet Onder Saçmalioglu

- Navên kesên ku êrîş birin ser balyozxaneyê û di pevçûnê de natin kuştin: Raif Topcil, Erkan Kargın (26 salî, li nifûsa Bedlîsê qeydkirî dixuye) û Bulent Çinar.

- Wezîrê Karên Hundir ê Tirkiyeyê Beşir Atalay da zanîn ku 2 kesên di êrîşê de hatine kuştin berê ji sûcên adî sabiqeya wan hebûye.

-  Wezîr Atalay got: Ji sê kesan yek jê gelek caran çûye derveyî Tirkiyeyê û vegeriya ye.

- Komîsyona Yekîtiya Ewropayê daxuyaniyeke weşand û êrîşa li hemberî balyozxaneyê şermezar kir.

- Serbalyozgerê Dewletên Yekbûyî yên Amerîkayê (DYA) yê Tirkiyeyê Ross Wilson: Tiştên ku polîs bike kiriye. Li ser navê hikumeta DYA'yê ez xemgîniya me tînim ziman. Ev êrîşeke terorîstî ye. DYA mutefîkê Tirkiyeyê ye ev yek dê bidome.

- CNN Amerîkan weşana xwe ya herêmî qut kir û weşana xwe bi CNN International ve girê da û bûyer pêşkêş kir. Televîzyonên din ên mezin ên navneteweyî ABC, MSNBC bûyer di cih de ragihand, New York Timesê di malpera xwe de cih de nûçe pêşkêş kir.