MÊRDÎN
Yekîtiya Tabîbên Tirkiyeşê (TTB), Odeya Tabîban a Stenbolê û Odeya Tabîban a Guneydogu ji bo şerê li Rojava pêk tê şermezar bikin û balê bikşînin ser pirsgirêkên sînor û tenduristiya gelê Rojava li Nisêbînê civîn pêk anîn.
Doktorên tevlî civînê bûn, piştî civînê, heta sînorê Rojava meşiyan. Doktorên ku xwestin ji Navenda Çanda Mîtanî heta deriyê sînorê Rojava bimeşin ji aliyê polîsan ve hatin rawestandin. Piştî nîqaşa di navbera polîs û doktoran de, doktor dîsa heta Sînorê Rojava meşiyan û li vir daxuyanî dan çapemehiyê. Di çalakiyê de ligel gelek doktorên ji bajar û herêmên din hatibûn, Şaredara Nisêbînê Ayşe Gokkan jî amade bû. Li ser navê doktoran Endamê Konseya Navendî ya TTB'ê û Serokê Odeya Tabîban a Guneydogu Dr. Halis Yerlikaya daxuyanî dan.
ŞER PIRSGIRÊKAN ZÊDE DIKIN
Yerlikaya, diyar kir ku şer hem xwezayê wêran dike û hem jî tenduristiya fîzikî, derûnî, civakî û siyasî xera dike û zerarê dide her tiştî. Yerlîkaya, destnîşan kir ku şer zerarê dide her tiştî û bi xwe re wêran dike û pirsgirêkan mezin dike. Yerkîkaya anî ziman ku şer kuştin, nexweşî, seqetiyan bi xwe re zêde dike.
Yerlîkaya, da zanîn ku şer bi destê mirovan pêk tên û mirov bi vî şerî bi destê xwe zerarê didin tenduristiya xwe û qada jiyana xwe. Yerlikaya, da zanîn ku ew li ser navê hekîmên Tirkiyeyê dîsa dubare dibêjin ew li hemberî vî şerî bêdeng namînin û naxwazin rêyên çareseriya demokratîk bên girtin. Yerlîkaya, destnîşan kir ku bêdengiya li hemberî vê rastiyê sûcê mirovahiyê ye û nikarin li hemberî vî sûcê mirovahiyê bêdeng bimînin û dê bêdeng nemînin.
BILA DERÎ JI BO DERMANA VEBE
Yerlîkaya, destnîşan kir ku ew dê rêbazên demokratîk pêk bînin û têkoşîna xwe berdewam bikin û wiha got: "Tirkiye Sûrî û Herêma Federal a Kurdistanê, li ser Rojava ambargoya îlac û tenduristiyê pêk tîne. Em wekî hemîman divê vê yekê qebûl nekin. Em nikarin ambargoya tenduristiyê piştguh bikin û em vê yekê wekî sûcê mirovahiyê dinirxînin. Em wekî hekîmên Tirkiyeyê dixwazin deriyê sînorê cîranê me vebe û ambaryoga derman û malzemeyên tibbî li ser gel rabe. Ev daxwazên me li ser navê mirovahiyê ye. Dîsa TTB û Odeyên Herêmê ya Tabîban li herêmê kampanya îlac û malzemeyên tibbî daye destpêkrin. Em dê alîkariya ku hatiye komkirin bi destê xwe teslîmî gelê Rojava bikin."