Diyarname

Yekîtiya Ragihandina Azad (YRA) ku li rojavayê Kurdistanê ava bûye çend roj berê daxuyaniyeke weşandibû û gotibû ku Rûdaw TV li ser saziya wan nûçeyên nerast diweşîne.

Di berdewamiya daxuyaniyê de wisa gotibû: “Cihê mixabiniyê ye ku qanala televîyona Rûdaw li ser zimanê nûçegihanê xwe yê bajarê Hesekê Fehad Hemo derbarê saziya me de nûçeyên derew weşandine. Rûdawê di nûçeya xwe de diyar kiriye ku, saziya me nûçegihanê wê pêşwazî nekiriye, karên wî asteng kirine û ew ji avahiya saziyê derxistiye. Lê nûçegihanê Rûdawê yê Hesekê Ferhad Hemo 3’yê rezber serî li saziya me daye, lêborîn xwestiye û diyar kiriye ku nûçeya Rûdawê weşandiye nerast e û wî ew agahî nedaye.”*

YRA'yê di dawiya daxuyaniyê de jî wisa gotibû: "Ferhad Hemo ji rayedarên Rûdawê xwestiye ku lîsteya navên xebatkarên televîzyonê yên li rojava Kurdistanê pêşkêşî YRA'ê bike, lê rayedaran hemû xebatkarên xwe bi gotinên wekî, 'ger ku hûn bi YRA'yê bikevin nava têkiliyan em ê we ji kar bavêjin'."

Ev nûçe di malpera me de jî hatibû weşandin. Roja 5'ê mehê Rûdaw TV bi nûçegîhanê xwe yên li rojava Kurdistanê Pêşawa Behlewî û Ferhad Hemo re bi telefonê girêdaneke çêkir û wan her du nûçegîhanan ragihand ku Rûdaw TV ew tehdîd nekirine û her yek nûçegîhan li ser karê xwe dixebite.

Nûçeya eleqedar: 

*  YRA: Rûdaw Tv li ser saziya me nûçeyên nerast diweşîne