AMED

Egîtîm Sena Amedê ji bo 20’ê Sermawezê Roja Mafên Zarokên Cîhanê, 7’emîn Pêşbirka Wêneyan a Ceylan Onkol li dar xist. Pêşbazî li dibistanên seretayî hatibû dest pê kirin û encamên pêşbaziyê bi civîneke çapemeniyê eşkere kirin.  Di pêşbaziyê de zarokên dibistanên seretayî wêneyên ku çêkiribûn şandin û yên bi ser ketin hatin diyarkirin. Wêneyên bi ser ketine dê li Egîtîm Sena Amedê, Şaxa Yekemîn bêne daliqandin û pêşkêş kirin.

Sekretera Jinan a Şaxa Egîtîm Sena Yekemîn a Amedê Mîzgîn Yavuz û rêveberên Egîtîm Senê beşdarî civînê bûn. Yavuz li ser pêşbaziyê axivî û diyar kir ku mafê hemû zarokan ên jiyan, perwerde, tenduristî û parastinê heye, lê şera ev maf ji zarokan girtine."

Mîzgîn Yavuz got ku Şerê li Rojhilata Navîn bandorek mezin li ser jin û zarokan dike, ji ber şer gelek zarok jiyana xwe ji dest didin û gelek ji wan koçber dibin.

 Yavuz bal kişand ser kuştina Ceylan Onkol ku pêşbazî li ser navê wê dane dest pê kirin û got ku mafê jiyanê yê herî bingehîn ji Ceylan Onkol girtin. û got: "Eynî mîna Enes, Abdullah, Ugur, Umut, Berkîn, Cemîle û Berat... Kujerên Ceylan hê derneketine holê. Ev kirinên li dijî zarokan qet nayên qebûl kirin. "

Di pêşbaziyê de ji xwendekarên Dibistana Seretayî ya Ataturkê ya Lîcê, Nîsa  Demîrhan, Nazli Aytek, Avşîn Etyemez, ji Dibistana Seretayî ya  Komarê ya Erxenî Elvan Tutal, Fatîh Yildiz û ji Dibistana Seretayî ya Aşagi Bîtîçî ya Erxeniyê jî Cuma Gîra hêjayî xelatê hatin dîtin.