Amed
Serokê Lijneya Îştîşareyê ya Amedsporê Nesih Aktepe, Serokê Klûba Amedsporê Nahit Eren, Seroka Duyem Şengul Saruhanoglu û ji Berpirsê Bşea Futbolê Mustafa Altin îro daxuyanî dan çapemeniyê.
Va ne çend gotinên Serokê Amedsporê Nahit Eren:
- Di demek kurt a bi qasî 2 mehan de me Amedspor ji bo Lîga Super amade kir. Ev ne tiştek hêsan e. Me gelek lîstikvanên di hewzê de ber çavan re derbas kirin, ne hêsan bû. Di vir de me kir ku Amedspor bi transferê nekeve nav qeyrana aborî. Ligel teknîk dîrektorê me em li rê û rêbazan diğerin.

MESELEYA BILÊTAN Û STADÊ
- Ji bo maça Amedspor û Beşîktaşê erê bilêt peyda nebûn. Ez bi xwe jî nikarim tiştek bikim. Li gor agahiya Paso'yê da min, di 10 deqeyan de 120 hezar kes ji bo bilêtê bistîne ketiye sîstemê. Ne mimkûn e stadeke 30 hezar kesî bikaribe vê daxwazê bîne cih. Erê, ev stat têra me nade. Di warê bilêtan de em zelal tevdigerin.

PEREYÊN KU JI BO GIFT ORBAN DANE
- Di dema transferê de Gift Orban jî, Axel Kayombo jî hebûn. Peymana me ji bo salek ligel Orban hene. Wekî ku tê gotin, Gift Orban ne bi mîlyonek, bi 500 hezar Euroyî me kirê kiriye. Ger 10 gol golan biavêje xala transferkirina bi 3 mîlyon Euroyî heye, ew dikeve dewrê. Ev pere jî bi teqsîdan tê dayîn. 

QLÛBA HERÎ HINDIK XWEDÎ DEYNAN
- Amedspor li welat tîma ku herî hindik deynên wê hene ye.
- Ligel tîmên herêmê alîkariya me, hêsankirina me her çêbûye. Ji bo Wanê jî, ji bo Mêrdînê jî.

MESELEYA FIROTINA FORMAYAN
Serokê Lijneya Îştîşareyê Nesih Aktepe jî got: 
- Amedspor rojê 3-4 hezar heb formayê bi xwe didirû, çêdike. Qumaşê em tînin. Makîneyên me hene. Di 2 rojên dawî de 18 hezar heb forma hatine firotin. Li Tirkiyeyê di warê firotina formayan de ev astek gelek bilind e. Min bi gelek midûrên saziyên mezin re xeber da ka ew vî karî çawa dikin? Bi vê firotinê di kurtedemê de em nikarin çareserî pêk bînin. Di 2 rojan de 18 hezar forma ne hindik e, lê em dikarin vî sozî bidin: Emê bi temamî meseleyê çareser bikin