Diyarname
Di hefteya 6'an de li Amedê tîma Amedspor û tîma Stenbolê Beşîktaşspor hatin hemberî hev. Girîngiya vê ev bû ku kîjan tîm bi ser biketa dê biba lîder.

Di Lîga Super a Tirkiyeyê de duh li Trabzonê tîma Galatasaray bi 4-0 têk çû. Vê yekê hêvî da Beşiktaş û Amedsporê. 
Çima? Ji ber ku Galatasaray di 13 pûanan de ma, Beşiktaş xwedî 12, Amedspor xwedî 10 pûanan bû. Loma jî ji bo lîderî maç girîng bû. Kîjan tîm bi ser biketa wê biba lîder.
Beşiktaş li nava hefteyê di Lîga Ewropayê de li mala xwe li hemberî Marsilyayê lîstibû û li gor Amedê hinek din westiya bû. Bi ser de lîstikvanên wan ê girîng Trossard seqet bû. 
Li aliyê li Amedê  di stada 30 hezar kesî de cihê vala tune bû, bi ser de bi deh hezaran kesî bilet xwestibû û bilêt peyda nekiribû. Maçê bi vî awayî dest pê kir.

KADROYA TÎMAN
Li Amedê A. Lafond, E. Krasnigi, L. Dellova, D. Bates, Umut Meraş, Rayan Revaloson, Furkan, Samuel Ballet, Dia Saba, Mohammed Khalil, Gift Orban hebûn.
Li Beşîktaşê jî A. Nubel, Ridvan Yilmaz, Tiago Djalo, E. Agbadou, Amir Murillo, İlhan Fakilli, Orkun Kokçu, Junior Olaitan, Ernest Poku, Dusan Vlahovic hebûn dest bi maçê kirin. 

MAÇÊ DEST PÊ KIR
Maçê bi firfiroka hakêm Alî Şansalan dest pê kir...
dq 8, şûta yekem ji Amedê hat. Furkan lê da, qeleparêzê Beşîktaşê gog girt.

GOL: dq 13, di presê de Amedê sporê gog bi dest xist, Gift Orban ku gog ket ber, ji dûr ve şût avêt û gol: 1-0

GOL: dq 22 vê carê dîsa ji derveyî xêza pêş sehayê Dia Saba gog girt û şûtek mezin avêt: 2-0.

Dq 27, orkun Kokçu lêdana serbest bikar anî, raste rast ber bi kelehê ve lêda, Lafont gog girt.

Dq 36: Gitf Orban carek din bi şûtek ceribandin, lê gog çû derve.

Dq 40: Vê carê Mohammed Khalil lê da, lê lêdan sist bû, encam derneket.

Dq 45: Hakêm 3 deqe lê zêde kir, di 3 deqeyên zêdek de encam neguherî û Nîveka yekem xilas bû: 2-0

Di 45 deqeyan de Amedsporê 7 şût, 6 jê bi îsabet, Beşîktaşê 5 şût lê 2 bi îsabet.

NÎVEKA DUYEM:
Dq 46: Maçê dest pê kir. Amedsporê Mohammed Khalil derxist, Amadou Cisse xist cihê wî.
Beşîktaşê jî Poku, Djalo û Murillo derxist, Cerny, Emirhan Topçu û Fabio Miretti xist maçê.

Dq 53: Agbadou Şût avêt gog çû kornerê. Encam derneket.

GOL: Dq 54, Vê carê Beşîktaşê bersiv da: Di şûta Orkun Kokçu de gog vegeriya, Vlahovic encam temam kir: 2-1.

GOL: Dq 59, Lîstikvanê Beşîktaşê xeta kir, Amedsporê efû nekir: Umut soyalp encam anî 3-1.

Dq 72: Orban û qeleparêz li hemberî hev man, lê Orbanê nekarî golê biavêje.

Dq 75: Orban ji maçe derket Cem ket cihê wî.

Dq 76: Ji Beşîktaşê Rasithayê ku nû ketibû maçê şûtek avêt.

Deqe 77 vê carê ji Amedsporê Ballet nekarî golê biavêje.

Dq 82 Orban ji maçê derket, Ali ket maçê.

Dq  85: Dia Saba derket, Mehmet ket sehayê.

90+7 Beşîktaşê penalti bi dest xist.
Orkun Kokçu gog çikand ser xala sipî û gol: 3-2.

Deqe 100: Beşîktaşê zor li Amedê kir, hemû tîm li pêş e. Beşîktaşê korner bikar ani, qeleparêz jî nav pêş kelehê, lê encam neguherî.
Û maç xilas: 3-2...

LÎDER AMED E
Piştî vê yekê di dawiya hefteya 6'an de Amedspor bi 13 pûanan yekem e, dûre Galatasaray bi 13 pûanan û paşê Beşiktaş bi 12 pûanan tê. Hefteya pêşiya me ji ber Maçên Tîmên Neteweyî li Ewropayê maç tune ne, dûre lîg dîsa dest pê dikin.
.