Diyarname

Di Koma A de maçên dawî hatin lîstin. Fransa û Swîsre hatin hemberî hev. Di maçê de lîstin hebû, atak hebû, êrîş hebûn, şût hebûn, dîrekên kelehê hejiyan lê tiştê nîn bû gol bû.

Maç bi 0-0 bi dawî bû. Bi vê encamê Fransa bû xwedî 7 pûanan û wekî yekemîn ji komê derket. Swîsre jî bû 5 pûan û wekî duyemîn derket. Her du tîm di nav 16 tîmên ji koman derkevin de dê bilîzin û ger bi ser bikevin dê ji wir derbasî çarîk fînalê bibin.

Arnavutluk surprîzek pêk anî
Her du tîmên din ên Koma A Arnavutluk û Romanya hatin hemberî hev. Arnavutluk ku yekemîn car beşdarî Şampiyoniya Ewropayê bûbû yekemîn car bi ser ket (gola wê deqîqeya 43'yan de Sadiko avêt) û yekemîn car 3 pûan girtin. Bi van pûanan Arnavutluk bû 3'yemînê komê. Romanya jî di yek pûanê de ma û bû çaremîn. Romanya xatir xwest, lê Arnavutluk dê li benda maçên komên din bimîne ku îhtîmal e wekî "Sêyemînê herî serketî" ji koman derê û bikeve nava 16'ên serketî.

Gog teqiya

Di vê navberê de di maça Swîsre-Fransayê de gog teqiya. Di deqîqeya 54'an de dema lîstikvan3e Swîsre Behramî û yê Fransazê Griezmann bi hev re ber bi gogê ve çûn gog di bin lingên Behrami de teqiya. Hakêm Damir Skomina gogek nû ji derve xwest û maç dom ki.