Diyarname

Serokên tevgeran her yek bi berhemeke xwe navdar e. Hitler xwedî "Têkoşîna min", Marksbi "Kapital"ê, Platon bi "Dewlet"ê; her wiha Mao, Stalin, Fidel Castro, Abdullah Ocalan, Martin Luther King, Mahatma Gandhi û gelek rêberên din bi berhemên xwe rê dane pêşiya alîgirên xwe, rêxistinên xwe. Yek ji wan jî Serokê Bolşevîkan Viladimir İlyiç Lenin e ku yê wî jî herî zêde pirtûka wî "Divê çi bê kirin? (pirsgirêkên sotîner ên tevgera me)" tê zanîn.

Ev pirtûka Lenin heta niha li gelek zimanan hatiye wergerandin. Pirtûka Lenin di sala 1902'yan de bi rusî bi navê "Çto delat?" hatiye nivîsandin. Li îngilîzî (What Is To Be Done?), li fransizî (Que faire?), li tikî (Ne yapmali?)" û li gelek zimananên din hatiye wergerandin. Pirtûk niha bi navê "Divê çi bê kirin? (Pirsgirêkên sotîner ên tevgera me) li kurdî hat wergerandin û ji Weşanên Evrenselê derket.

Di pirtûkê de Lenîn li ser pirsgirêkên sotîner ên tevgera xwe nirxandinan dike û bi awayekî meseleya "Divê çi bê kirin?" pêşkêş kiriye. Bi kurtahî pirtûk meseleya "Ev xebat dê têkiliyên me û girseyên karkeran û hemû tebeqeyên civakî yên ji otokrasiyê nerazî ne xurt bike; ku ji bo serhildanê pêdivî bi van têkiliyan heye. Ev xebat dê behreya raberkirina rewşa siyasî ya gelemperî, lewma jî behreya bijartina kêliya rast a serlhildanê biperisîne. Tam jî ev xebat dê hemû rêxistinên herêmî perwerde bike da ku ew bikaribin li hemberî hemû pirsgirêk, rûdan û bûyerên ku li ser hemû -Rûsyayê bandor dikin bi awayekî herî çalak, yekgirtî û biryardar bertekê nîşan bidin. Ya dawîn, tam jî ev xebat dê hemû rêxistinên şoreşger ên li seranserê Rûsyayê perwerde bike, da ku ew bikaribin bi hevûdu re têkiliyên herî domdar û nepenî deynin û bi vî awayî yekîtiya partiyê ya rastîn pêk bînin"* digire dest.

Pirtûka ku niha ji Weşanên Evrenselê derketiye ji aliyê Tonguç Ok ve hatiye wergerandin. Ok, tirkek ji bajarê Kayseriyê ye û niha girtiye. Ew li girtîgehê hînê kurdî bûye û pirtûkan werdigerîne kurdî. Ok ev pirtûk  ji îngilîzî ji bo kurdî wergerandiye ku wî berê jî "Manîfestoya Partiya Komunîst" (Karl Marks, Friedrich Engels)** wergerandibû.

Divê çi bê kirin? V.Î.Lenîn / Werger: Tonguç Ok / Teorî / Weşanên Evrensel / 192 rûpel

*Ji pirtûkê
** Çîroka wergêrê tirk ku Manîfesto wergerand kurdî

*** 

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.