Diyarname
Di vê du hefteyên pêşiya me de maçên tîmên neteweyî hene li parzemîna Ewropayê. Ji Amedsporê wê 6 lîstikvan herin welatên xwe di nav tîmên neteweyî de bilîzin.

Ev du hefte di Lîgên Neteweyî yên Ewropayê de maç hene. Ji bo vê yekê li welatên Ewropayê du hefte navber dane maçên li nav welat. Her welatî kadroyên xwe yên tîmên neteweyî eşkere kirin. Maç 24'ê mehê dest pê dikin, 3'yê meha pêşiya me temam dibin. 4 maç wê bêne lîstin.

Piraniya lîstikvanên Amedsporê ji neteweyên cuda ne. Ji bo di tîma neteweyî de bilîzîn bangî 6 lîstikvanên Amedsporê kirin. Ev yek nîşan dide ku lîstikvanên Amedsporê di nav tîmên xwe yên neteweyî de cihek girîng digirin, lê di heman demê de jî talûke ye, yek jî seqet bikeve derbeyek mezin e ji bo Amedsporê.

LÎSTIKVANÊN DÊ HERIN TÎMA NETEWEYÎ
Ji lîstikvanên Amedsporê Lumbardh Dellova û Ermal Krasniqi (Kosova), Alban Lafont (Qeraxa Aj - Ivory Coast), Rayan Raveloson (Madagaskar), Rayan Lutin (Komor) û Amadou Cisse (Gîne) lîstikvanên ku tîmên wan ên neteweyî bangî wan kirine ne.

MESELEYA DIA SABA
Lîstikvanê Amedsporê Dia Saba jî gelek serketî ye û heq dike ku di tîma neteweyî de bilîze, lê pirsgirêk hene. Roja 17'ê mehê di civîna çapemeniyê de teknîk dîrektorê Îsraîlê Ran Ben Shimon wisa got, "Ez her dem bi Dia Saba re di têkiliyê de me. Ji aliyê sportî ve, cîhê wî di tîma neteweyî de heye. Mesele hinek tevlihe ve. Ger lîstikvanek neçar be ku bifikire ka bangî tîma neteweyî dê bandorê li pêşeroja wî bike an na, ev meselek giran e. Ji ber vê yekê, me bi Saba re xeber da. Piştî nîqaşek hevbeş, me biryar da ku di vê demê de ne rast e em bangî wî bikin. Derî ji her lîstikvanî re vekirî ye.”

TÎMA NETEWEYÎ YA TIRKIYEYÊ
Ji tîmên Tirkiyeyê herî zêde Beşîktaşî lîstikvan şandin tîma neteweyî. Rêz bi vî rengî ye:
- Beşîktaş: 17
- Galatasaray: 16
- Fenerbahçe: 13
- Trabzonspon: 11
- Amedspor: 6
- Samsun: 5
Dûre tîmên wekî Başakşehîr, Konya û hwd. tên.