Diyarname
Weşanger Abdullah Keskin îro li Emniyeta Stenbolê ji ber parvekirinên xwe yên li X'ê îfade da.

Weşanger Abdullah Keskin ligel karên xwe, wekî gelek kesî ew jî X'ê bi awayekî çalak bikar tîne û fikrên xwe tîne ziman. Niha ji ber hin parvekirinên wî yên di X'ê de îro wî îfade da dozgerî. Di îfadeyê de der barê çend parvekirinên wî de pirs jê hatin kirin.

Keskîn li ser vê yekê, li ser hesabê xwe got, "Ligel ku kurdî li hin zanîngehan tê xwendin, hin saziyên dewletê bi kurdî pirtûkan çap dikin jî, wergera hatibû kirin xirab û nîvco bû. Diyar e ku kurdî di nav kategoriyên 'zimanê nayê fêmkirin' de maye û dê wisa bidome. Em mecbûr dimînin hevokên xwe yên parvekirî ji bo wan wergerînin ku 'me xwestiye çi bêjin'. Ma berî wekî sûc bê nîşandayîn divê wergerekî baş neyê kirin? Ev yek li hemberî zimanê kurdî pêşdarazî ye."

Keskîn pirsa, "Tirkiye heta kengê dê her tiştê bi kurd û Kurdistanê re eleqedar bixe nava kategoriya 'cudaxwazî û terorê'" kir û wiha got, "Nikarin bi zordariya zagonî pêşî li fikrên me bigirin û li ser pêşeroja me bibin xwedî gotin."