6'ê adarê, agahiyên li ser şerê DYA-Îsraîl û Îranê
 

Tirkiyeyê 3 rojên din rêya hewayî da sekinandin
Tirkiyeyê ragihand ku seferên rêyên hewayî ji bo welatê Îran, IraQ, Sûriye, Lubnan û Urdunê ji bo 3 rojên din dane rawestandin.
Ji roja di navbera DYA-Îsraîl û Îranê de şer dest pê kiriye firînê rêyên hewayî hatine rawestandin. Niha Tirkiyeyê got heta 9'ê mehê dê rawestandina van firînan dê bidome.

**

Îsraîlê vê carê bi 50 balafiran êrîş kir
Artêşa Îsraîlê got ku wan bi 50 balafirên şer êrîşê baregeha bin erd a ku Elî Xamaneyî têde kuştibûn. Artêşê ev der wekî "kompleksa rêberiyê" bi nav kir û got ku ji bo vê niha carek din êrîş kirine.
Serfermandarê Giştî ya Artêşa Îsraîlê Eyal Zamir jî got, "Di êrîşa li hemberî ÎRanê de em ketin asteke din. Di vê demê de emê jîrekiya rejimê û jîrekiya wan a leşkerî bikni hedef û parçe bikin. Emê neyaran ber nedin; emê xwe bigihînin hemûyan. Operasyon bi biryardarî dê bidome.
**

Êrîşê gelek cihên Herêma Kurdistanê kirin
Duh bi şev gelek deverên li Herêma Kurdistana Federe û gelek cihên Iraqê bi dron û moşekan hatin bombebarankirin. Di encama êrîşan de gelek kes mirin û ziyanek mezin çêbû.
GUND HATIN BOMBEKIRIN
Li ser vê Rojnews nûçe çêkir, va ne agahî:
- Duh careke din êrişî çiyayê Korekê hate kirin; ku di nava vê hefteyê de ev cara sisêyan e ku êrîşî çiyayê Korek tê kirin.
- Duh derengê şevê dronek xwekuj li taxa Westa Receb a ser bi îdareya Soranê ket xwarê. Di encamê de 2 welatî birîndar bûn. 
- duh bi şev gundên Kewertê ya ser bajarokê Çoman û gundê Dergele ya ser bi navçeya Wertê jî hatin bombebarankirin.
ÊRÎŞÊ BÎRÊN PETROLÊ KIR
- Bi dronan bîrên petrolê yên Çemanke yên nêzî gundê Geverkê, a li quntarên Çiyayê Gare ya sînorê Amêdiyê jî hatin bombekirin. Amêdiyê bi ser parêzgeha Duhokê de ye. Hat gotin ku piştî êrîşê, kompaniya petrolê ya Amerîka HKN Energy ku li Herêma Kurdistanê kar dike, biryar da ku hemû çalakiyên xwe yên li herêmê rawestîne. Li gorî çavkaniyên herêmî, şîrketê ji bo parastina jiyana karmendên xwe û ewlehiya alavên xwe yên teknîkî qad vala kir û hilberîna petrolê rawestand.
 

***
Îranê Herêma Kurdistanê tehdîd kir
Endamê Konseya Parastinê yê Îranê Elî Ekber Ehmediyar tehdid bi ser Herêma Kurdistana Federe de barand û got, "Em ji bo bira dostên me yên Herêma Kurdistanê radigihînin ku komên Rojhilatî yên kurd sînor derbas bikin emê binesazî û saziyên Herêma Kurdistanê bikin hedef."

Ehmediyan îdîa kir ku kom bikevin hundirê Îranê ewê jî şer berfirehtir bikin.
**

Serokomarê Îranê Pezeşkiyan fermana kuştina kurdan da
Serokomarê Îranê Mesûd Pezeşkiyan li ser hesabê xwe yê medya tijîtal peyam belav kir. Pezeşkiyan bang li waliyên li bajarên rojhilatê Kurdistanê kir. Pezeşkiyan ferman da wan ku walî û hêzên rejîmê li dijî kurdan bikevin nav tevgerê. Pezeşkiyan pêşiyê bi gotina, “Gelê kurd ê qehreman her tim ligel dewletê bûye” niyeta xwe veşart û dûre jî bi gotina, “Walî û hêzên leşkerî dê li dijî derdorên cihêkar bi biryar êrîş bikin û bikujin” fermana komkujiyan da.