Stenbol
Ev demek e Komên Midûriyeta Sûcê Dijî Narkotîkê bi ser navdaran de operasyonê didomîne. Di vê operasyonê de îro gelek kesên din bi îdîaya peydakirina tilyakê û bikaranîna wê hatin binçavkirin.
Der barê 16 kesan de biryara binçavkirinê hatiye dayîn.

Serokên berê yên klûbê fûtbolê jî di nav de ne. Serokê berê yê Galatasaray Burak Elmas, serokê berê yê Beşîktaşê Fikret Orman, ji karsazan Hakan Sabanci, Kerim Sabanci, model Didem Soydan, pêşkêşvan Guzîde Duran hatin binçavkirin.

Li aliyê din lîstikvan Hande Erçel û Kaan Mellart ku li derveyî Tirkiyeyê ne jî der barê wan de biryara binçavkirinê hatiye dayîn.

Va ne yên ku îro derbarê wan de biryara binçavkirinê hatiye girtin:
- Fîkret Orman
- Burak Elmas
- Guzîde Duran
- Hande Erçel
- Hakan Sabanci
- Kerîm Sabanci
- Sezgîn Koysuren
- Ferhat Aydin
- Lutfiye Tugçe Ozbudak
- Koray Serenlî
- Onur Bukçu
- Îsmaîl Behram Perînçeklî
- Kaan Mellart
- Dîdem Soydan
- Onur Talay
- Mustafa Tarî

Ji van 14 kes girtine bin çavan.

Operasyona li dijî navdaran a di vî warî de di 8'ê meha kewçêra 2025'an de dest pê kiribû û hê jî didome.
Heta niha muzîkar, menajer, karsaz, lîstikvan, gelek kesên li raya giştî têne nasîn hatin binçavkirin, îfadeyên wan hatin girtin, testa xwînê kirin ku tilyakê bikar tînin an na.
Heta niha 26 hatine girtin û hinek ji wan piştî mehan hatin berdan.

ERÇEL: EZÊ WERIM ÎFADEYÊ BIDIM
Lîstikvan Hande Erçel (foto) bi ser hesabê xwe yê Instagramê re eşkere kiriye ku ev mehek e ji bo perwerdehiyê li derveyî Tİrkiyeyê, ewê vegere îfadeyê bide û bi edaleta vir bawer e jî.